Sirena kantak, erraldoien hirian
Kantu eta hitza: Formatu txikiko kontzertuak Erraldoien Txokoan”, dio Iruñeko Udaleko zikloaren afixak. Edo nola hurbildu artista erraldoiak entzuleongana. Ez dakit inoiz izan zareten Erraldoien Txokoko patioan, baina arrainontzi batean sartzea bezalakoa da. Kristalezko kaiola bat patio ireki baten barruan, arrainontzi bat negutegi efektuarekin. Eta gu, koloretako arrainak harrizko eskultura erraldoien begiradapean.
Eta hala iritsi zen Olatz Salvador, erraldoien artetik eszenatokiaren erdira, banda bidelagun. Gitarraren atzean babestuta, bere ahotsaren alderdirik goxoena hartu zuen hasierako ezkutu gisa. Sirena kantuak ziren arrainontziaren barruan. Eta entzuleok lelotuta, arrainontziaren barnean zuzen eta ordenaturik jarritako aulkietan geldi, zer egin jakin gabe: txalo, irribarre, dantza. Batzuetan halakoak izaten gara eta, marinel itsutu, erreakzionatzeko ezgai.
Bere lehen diskoa delikatua eta detaile askokoa dela esan du Salvadorrek zenbait elkarrizketatan. Baina oh, sirena kantuek beti dute zerbait engainagarri. Eta berak ere badaki, goxotasuna ongi dagoela baina ez zaiola aski, eta bere ahotsak delikatutik adina duela kañerotik. Beraz, ezkutuan zituenak atera zituen laster, gitarra alde batera utzi eta batetik bestera dantzan, oholtza bere eginez. Mikroa eskuan hartuta, orain serio, orain irribarrez zuzentzen zitzaion itzalpean egonagatik proiektua sostengatzen dion bandari eta kontzertua sostengatzen genion iruindar kuadrillari.
Hurrengo emanaldiak:
Ekaina: 15ean Anuntzetan eta 16an Tolosan.
Uztaila: 11n Bilbao BBK Live-n.
Eta horrela aurkeztu zizkigun Salvadorrek Zintzilik diskoko abestiak, konposizio intimoetatik publikoaren bizitzetan zeharkatzera iritsi direnak, eta gustuz eskaini zizkigun ere kontzerturako aukeraturiko bertsioak, baita kantu berri eta ez-hain-berri bat ere. Argi utzi zuen ez duela maite bere musika erraz sailka dezaten, eta bere alderdi asko konpartitzeko gogoz dagoela: goxotasuna zein indarra, popetik rapera hurbiltzen diren kantuak, ukitu elektronikoak dituzten abestiak eta gitarra soilez lagundutako letrak, agudo inposibleetatik nota grabeetaraino, trantsizio guztiak.
Eta eszenatokian hori guztia gertatu bitartean, koloretako arrainak zer? Galdetuko duzue, non geunden, aulkien gainean igo eta Olatz eta bandarekin batera dantzan hasi ote ginen, arrainontzian hurakanik sortu ote genuen. Saiatu ziren benetan, eta behin eta berriz esan (eskatu!) arren aulkien ilarak hauts genitzakeela, alde batera utzi eta dantzan hasteko, dezepzio handiz esan beharra dut ezetz. Arrain leloak izaten jarraitu genuen, sirena kanten naufrago, erraldoien hirian zibiko. Ea Nafarroara itzultzen zarenean zurekin batera hazten garen oholtzapean. Aulki ordenatu eta eszenatoki alturik gabe, mesedez.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]