Rock-and-rollaren orrazkera psikotikoena
Diablo Records, 2019
Dena dago asmatuta, eta askok eta askok iraganekoari mozorroa jantzita berebiziko izaera bereizgarria ematen ahalegintzen dira. Horren guztiaren aurrean nik lehenesten dut dagokion estiloa –ezaguna bada ere– bere egin eta sinesgarritasunez plazaratzea. Horixe egiten du Aretxabaleta eta Arrasateko kideak dituen Screamers and Sinners taldeak, 2013an punk, punk-Oi! eta surf-rock (Neallta Fola, Golpe de Estado eta Los Galerna) taldeetan aritutako hainbat lagunek sortutakoa.
Apustua ezohikoa izan zen eskualde honetan: psychobilly-a; hain zuzen ere, punk-etik eta iluntasunetik barra-barra edaten duen rockabillya. Taldea sortu eta urtebetera Demon tales diskoa kaleratu zuten beraien kabuz, eta oso tarte laburrean atzerrian interesa jarri zuten taldean. Kontrabaxuaren eta bateria sarkor baten erritmo geldiezinaren pean kantek hastapenetako rock-and-rolla berreskuratu, zikindu eta hauspotzen zuten axolagabeki. Garai horretan psychobilly giroko Earthquake (Bremen), Stomp (Paris) eta Meeting (Pineda) jaialdi handietan eman ziren ezagutzera.
2016. urtea taldearen mugarria izan zen. Estudiora sartu ziren Arabako El Sacamantecas hiltzailearen omenezko –eta izen bereko– diskoa grabatzera. Mad Sin taldeko Andy Laaf-en gidaritzapean bateria-jolea aldatu eta punketik apur bat aldenduz 50eko hamarkadako rock-and-roll klasikoenean hartu zuten lurra. Erditze zaila izan zen, luzea, baina doinu horretako zaleen gustukoa izan zen Belgikako Drunkabilly Recordsekin argitaratutako lana.
Hypnosia! lan berriarekin heldu dira orain eta disko honetan ere, 50eko hamarkadako rock-and-rolla da oinarri nagusia, kontrabaxuak eta bateriak arnasarik gabe gidatuta; eta alboan ditu surf, punk-rock, country zein swing ñabardurak maisuki gehitzen dion gitarra, baita edozein talderen indarra eta emaitza biderkatzen duen saxo aberats eta askea ere. Ingelesez, euskaraz eta gaztelaniaz abestutako kanten artean, zirkoko eta B serieko filmen iruditeria dira nagusi. Horrez gain, Donna Dunen ahots ikaragarriak blaitu du The sinner & the screamer; eta MCDko Rockanek A-68 ahaztezinari jarri dio ahotsa.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]