Errekaleor bertako basoaren bila
2 013an Gasteizko Errekaleor auzoa okupatu zutenetik presente izan dute proiektuko kideek agroekologiaren eta lurra lantzearen gaia. Proiektua abiatu eta laster jarri zuten martxan, esaterako, baratze komunitarioa, gerora Errekaleorreko bizilagunetatik harago Gasteizko jendeari ere irekiko zitzaiona. Orain egitasmo berri batekin datoz: bertako baso bat berreskuratzeari ekin diote. Martxoaren 10ean egin zuten lehen zuhaitz landaketa.
Basoa berreskuratu, espekulazioari aurre egin
“Arabako Lautadan baso irlak daude, eta hauetan erkametzak dira nagusi. Gure asmoa da hemen ere erkameztia sortzea”, azaldu du Unaitxuk, Errekaleorreko baso lantaldeko kideak. Lehendabiziko landaketan 160 zuhaitz sartu dituzte: aipatutako erkametzak, elorri zuriak eta lizarrak, besteak beste.
Proiektuko kideak dioenez, basoa berreskuratzeko egitasmoak helburu bikoitza du: lehenik, naturarekin harreman estuagoa izatea. Landaketetarako ikuspegi agroekologikoa darabilte. Baina, bestalde, landaketak egiten ari diren eremua Vital Kutxarena dela kontuan izanik, aurrera begira lur zati horretan egon daitezkeen mugimendu espekulatiboei aurre hartzea ere bada bultzatzaileen nahia. “Sistemaren eta instituzioen kontraesana ere planteatzen dugu: Gasteizko eraztun berdea Errekaleorretik pasatzen da, baina benetan, hemen ez dago ezer berderik”, dio kideak.
Bizi kalitatea hobetzeko ingurua zaintzen
Errekaleorren iparraldean, azken etxebizitzetatik oso gertu dagoen lursailean hasi dira basoa berreskuratzeko lanetan. Aurtengo landaketa proiektu piloto modukoa izan da, baina hurrengo urtean landaketa gehiagorekin jarraituko dute eta deialdia zabaldu eginen dute. Unaitxuk argi du Errekaleorreko auzokideen bizi kalitatearentzat aurrerapausoa izanen dela basoa birsortzea. “Errekaleor ingurua ez dago egoerarik onenean: oso modu degradatuan dago guztia, eta horri buelta ematea da gure asmoa”.
Auzoko etxebizitzak bezala, ingurua zaintzeari ere garrantzia ematen diote proiektuko kideek. Horregatik, baso lantaldearekin koordinatuta beste bi proiektu ere badituzte martxan: auzoaren hegoaldetik pasatzen da proiektuari izen ematen dion Errekaleor erreka, eta horren garbiketa lanetan ari dira. Ingurumenari begirako hirugarren hanka ere martxan dute: “Fruitu arbola asko oparitu zizkiguten, eta auzoaren ondoko landa zati handi batean horiek landatzeari ekin genion. Guztira 200 zuhaitz edo egongo dira. Baso jangarri baten antzeko zer edo zer ari gara sortzen eremu horretan”.
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Urteak dira Bergaran kontsumoaz eta lehen sektoreaz lanketa zabala egiten hasi zirela. Ereindajan kooperatibaren eta Elikadura Mahaiaren sorrerak bultzada izan ziren lanketa orokor horretan. Azken urteotan, azoka plazaren inguruko hausnarketa prozesuan buru-belarri aritu dira... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]