Amodio kantuak paxkalizatzen
Aiherrako plazatik joan nintzen ttuku-ttuku Zumarraga erdi arte, Paxkal Irigoyenen zuzenezko berriaren ikustera. Ordura arte bere hainbat proiekturekin ikusi banuen ere, lehen aldikoz bertsioak kantatzen ikusteko parada zen niretzat, amodiozko kantuz bakarrik osaturiko zuzenezko bat eskaini baitzigun egun hartan.
Ziaboga tabernako zoko batean instalatu da Paxkal, gitarra elektrikoa eskuan eta mikroa parean. Gu aldiz parean jarririk, tinko, kanpoko freskotasunari aurre egiteko. Lehen notek fite lasaitzen dituzte ostatu aldeko joan-jin eta elekak eta, taberna baldintza oneko behatoki bilakatzen da, ez da beti hala…
Kontzertuaren lehen zatian, ene ezkerreko auzoak eta nik ber arazoa dugu: irratian entzuniko kantu ezin indentifikatuaren sindromea, bidean hainbat aldiz entzuna! Airea xuxurlatzen ari izan ondotik, batak besteari galdegiten diogu azken kantu hau zein zen, nehork ezer jakin gabe. Baina horien artean kantu klasikoagoak ere badira, Hertzainaken No time for love adibidez, entzuleak herabeki kantatzen hasten direnak.
Paxkal Irigoyenen kontzertua
Noiz: Azaroak 28
Non: Zumarragako Ziaboga taberna
Zintzurra freskatu bitartean, Isuo eta Kezman taldeko Iosuri utzi dizkio mikroa eta gitarra, biek elgarrekin pare bat kantu egin eta gero.
“Ez duzue dantzatu nahi pixka bat? Gero ez erran aste barruan ez dela ligatzerik, nik aukerak ematen dizkizuet!”. Horrela hasi du bere bigarren zatia Paxkalek. Hortik landa dantza anitz ez bada ere, jendea zutitu da, eta ez da damutuko Hemendik at taldearen Eskutitza entzutean. Riff elektroa gitarran jotzen du, funk sorta batekin, eta koplak pasa arau publikoaren boza gero eta azkarrago sendi da, lotsak bazterrean utzi balitu bezala. Ez dea hori alaitasuna?
Kontzertu berezi honen climax-a Gatiburen Mila doinu aidien izan da. Lehen notak jotzean jadanik entzuten da taldearen lehen diskoa belarri puntetaraino ezagutzen duen jendearen oihua, bigarren ahotsa gogoz ezagutzen duena. Ene gustuko beraien kantu hoberena denez, ez nintzen kontentago izaten ahal!
Izaro kantariaren Koilarak abestiarekin bukatu zuen kontzertua Paxkalek, goxoki, eta leku anitzetatik heldu zen publikoa banatu zen, bakoitzak kantu horietatik behar zuen maitasun dosia harturik.
Bertsioen kantatzea ariketa zaila da, imitazioaren zepoan erortzen direlako anitz, batzuetan nahigabean. Baina Paxkalek, lan luze baten ondorioz agian, kantuei bere kantatzeko manera inposatzen die. Paxkalizatzen dituela erran genezake.
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]
Kutixik jaialdia
Non: Intxaurrondoko Kultur Etxean, Donostian.
Noiz: Urriaren 26an.
---------------------------------------------
Donostialdean sortutako musika ekimena da Balio Dute, autogestioa zimendu eta lan-tresna gisa hartuta, "musikariak prekario, bakarti eta... [+]
UGER
Noiz: abuztuaren 11n
Non: Santa Klara ermitan (Ondarroa)
--------------------------------------------------------
Sargoriari bizirauten saiatzera egin dugu kostalderantz, husten zihoan hondartzan bainua hartu, afaldu eta Santa Klara eguneko kontzertuak... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
