Azken txanpan
Nafarroako hedabide eskuindarrei kasu egitera, ez dira legealdi akaberara iritsiko ez Uxue Barkos, ez Joseba Asiron, ez Ainhoa Aznarez, Aldaketaren ontziak erreka berehala joko duelakoan. Parlamentuko buruari dagokionez, halaxe izanen da, baldin eta Ahal Dugu taldea hautsi duten Laura Perez eta enparauak oposizioarekin elkartzen badira. Orain Bai izena darabilten parlamentariek ez dute argitu zerk bultzaturik ari diren Ainhoa Aznarez kargugabetu nahian. Iruñeko Udalean ere Orain Baiko lagunek –Aranzadiko zinegotziek– UPN eta PSNrekin batera bota dituzte atzera aurtengo aurrekontuak. Horren ondorioz, bertan behera gelditu dira herritarrekin eta gizarte mugimenduekin adostutako proiektu franko. Aranzadikoek munta handiko bi ardura izan dituzte Udalean, baina bietan ere ederki huts eginik, eta PSNrekin ustekabean azpitik tratua egin ondoren, Asironek udal gobernu taldetik bota zituen, iaz. Orain, hortxe dabiltza, bazterrak zenbat eta nahasiago egoteari onura atera nahian. Gaztetxearen afera ere erabiltzen ari dira Aldaketaren kontra egiteko, gauza jakina baita harreman ona dutela gaztetxeko gazte talde batekin –ez guztiekin–. Bada, gazte horiei garbi eskatu zieten ez onartzeko EH Bilduk proposatutako konponbidea aldameneko udal etxabe batzuetara joateko. Gazteen arteko eztabaida latzen ondotik, talde hori nagusitu zen, hain zuzen ere, eta Rozalejo jauregian gelditzea erabaki zuten. Azken buruan, okupazio horren atzean egungo gazte sektore batzuen arteko lehia ere azaleratu da, Ernairen eta Ikasle Abertzaleen arteko pentsamolde eta estrategia arras kontrakoak, alegia. Gaztetxearen aferak, hori bai, nabarmen tenkatu ditu harremanak Geroa Bairen eta EH Bilduren artean, eta EH Bildu barnean ere ez da une gozoa. Izan ere, baten batek ez du begi onez hartu alkateak Rozalejo eraikinaz hain garbi errandakoa, begi-bistakoa dena, bestalde; hots, etxe horrek ez duela baldintza egokirik bertan bizitzeko edo egoteko.
Hortaz, gisa horretan iritsi gara azken txanpara, azken hiru urtean gauzak bare samar joan ondotik. Orain, ederki zabaltzen ari dira, ez Gobernuan, ez Udalean, deus ere aldatu ez dela dioten ahots interesatuak. Ni ez naiz inola ere iritzi horretakoa. Gabeziak gabezia, hamaika aldiz gehiago nahiago ditut egungo lehendakari andrea eta alkate jauna, ahots interesatu horiek proposatzen dituzten bide antzuak baino. Eta gainera, ziur naiz bi-biek karguari eutsi eginen diotela, gure esku baitago.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]
Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
Usainak keinuren bat eskatzen zuen, baina berak egin ez zuenez (ezin zitekeenez beste usainik espero), besteok ere ez. “Ez, ez, ez daude denak. Bizirik dirautenen atalik ez dago, ez dut inor bizirik utzi, adibidez, ezpainik gabe (ikusi dituzue? Horiek perfektuak iruditzen... [+]
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Euskara, eremu digitala den itsasoan ezagutzara eta harremanetara abiatzeko portua da. Adimen artifizialarekin, portu horretatik mundu osoarekin euskaraz harremanetan jartzeko aukera ematen dela dirudi. Euskararen automatizazioa laguntza ederra da belaunaldi berriekin euskal... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Mundu mailako ekonomiak gorakada nabarmena izan zuen COVID-19aren ostean. Orain, baina, gorakada hori agortze-fase batera heldu den zantzuak agerikoak dira, krisi klimatikoak nabarmen baldintzatuta: munduko potentzia nagusien ekonomiaren hazkunde-tasa murrizten ari da,... [+]
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]