Olatu berria dator
Garesetik Gasteizera eramango gaitu 21. Korrikak 2019an, apirilaren 4an hasi eta 14ra bitartean. Honetarako Klika lema aukeratu du Korrikaren antolatzaile den AEK-k.
Klika egitera gonbidatuko gaituzte, aukera bat hartzera, euskararen hautua egitera. Konpromisoa eta akzioa hitzak erabili dituzte, eta hitzok irakurrita azaroaren 23ra egin dugu atzera, Euskaraldi betera. Hizkuntza ohiturak aldatzeko ariketa soziala deitu zaio Euskaraldiari. Hamaika eguneko ekinaldiak inertziak apurtzea eskatzen zuen, eta horretarako norberak bere buruarekin konpromisoak zehaztea eskatzen zuen. Beti –ahal zen denetan– euskaraz aritzeko erronkari eutsi eta uneoro “klika” egin, euskararen aldeko hautua egin. Konpromisoa eta akzioa.
Atzeraka beste jauzi bat eginez, Euskaraldiak 19. Korrikara garamatza, Lorea Agirrek azken egunean irakurri zuen mezu hartara. “Ahaldunduko al gara?”, galdetzen zuen orduko hartan Agirrek. Euskaraldian behin baino gehiagotan entzun dugu 19. Korrikako lema: “Euskahaldun!”. Ariketa kolektiboa izanik eta txapa bidez elkar identifikatuz parte-hartzaileek akziorako babesa sentitu dutela aitortu dute, eta babesarekin batera norbera ahalduntzeko aukera. Udaberrian badator milaka herritarren beste olatu bat eta izan dadila Klika egitea euskaraz ahalduntzea.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, martxoaren 24arekin heldu da Korrikaren lekukoa Baionako Askatasun plazara, eta mezu sekretua irakurri du Garazi Arrulak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak,... [+]
43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.
Garazi Arrrula Ruiz izan da aurtengo Korrikaren mezugilea. Txalaparta argitaletxeko editorea da tafallarra. Baionan, milaka euskaltzaleren aurrean, esan du euskara ez dela "ez altxor, ez oroitarri, ez toponimia. Euskarak hegemonia hartzeaz ari gara". Eta gehitu du... [+]
AEKren mezua bertako kide Maider Heguyk eta Bixente Claveriek irakurri dute. Erakundeei “hizkuntza politika ausarta eta sendoa” eskatu diete eta ez “brilli-brillizko bilgarria”. Konpromiso eta baliabide gehiago eskatu dituzte. Gogorarazi dute oraindik... [+]
23. Korrika makina bat irudi esanguratsu egiten ari da, eta dagoeneko oso ohituta gaude jendetza ikustera "Harro Herri" leloaren atzetik korrika. Baina gauean zer pasatzen da? Larunbatetan ere, jendea festan dagoen bitartean, lekukoa norbaitek sostengatzen du. Nafarroa... [+]
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
