Erruki gutxi izan baitu gurekin bateren batek 2018ko Durangoko Azoka antolatzerakoan. Leku banaketan. Ez gara azken hiru urteetan egon garen lekuan izango, ARGIA ez duzue aurreko sarrerako gune zabal hartan topatuko. Artekale 23, 24 eta 25 erakustokietan izango gara aurten, Areto Nagusiaren aurrean, Landakora sartzeko erdialdeko ateen inguru horretan. Arantzazuko Edizio Frantziskotarraren eta Kontseilu Ebanjelikoaren artean.
Bai bai, ondo irakurri duzu, frantziskotarren eta ebanjelikoen artean. ARGIAko fraide eta moja koadrilak ederki emango du leku horretan. Ez omen da jatorria ahaztu behar, ezta? Bada tori, eskuin zabaletik dejada kaputxinoek eta ezkerretik gantxoa Zeruko Argiak.
Behin leku aldaketaren albisteak emandako sustoa pasata, egokitu diguten tokirako moldaketa lanetan hasi da taldea. Mahoma eta mendiarena… ezagutzen duzue. Gure aurtengo lekua hori bada, gure egingo dugu. Azken urteetako ARGIAren dekorazioak joko handia eman du, eta oraingoa leku mugatuagoa bada ere, beren hosto eta guzti kanaberak handik, ureztaontzi eta lantresnak hemendik, eta jendeak letxua eskuan bukatzen duela, erraz identifikatuko duzu.
Baina zer egongo da aurten ARGIAren erakustokian? Ez da faltako yonkientzako 2019ko ARGIA egutegi takoa eta Zuloan liburua. Horrez gain, ARGIA komunitateko partaide egiteko aukera izango da, eta ARGIA Jendeak Gogor diskoa jasoko du opari, borroka antifrankistaren sinbolo izan zen disko hori bera.
Mbolo Bilboko kale-saltzaileen elkartearekin egindako elkarlanaren fruitu, Mbolo proiektua laguntzeko ekarpenak jasoko dira, eta trukean astekari bat, Mbolo proiektuaren azalpen bat eta “Inor ez da ilegala” kamiseta edo poltsa bat jaso ahal izango dira.
Herri mugimenduek kaleratutako Gasteizko gaztetxeak 30 urte liburua, bertsolaritzako ibilbide feministaren infografia eta Zumaiako Kalea Guztiona Da ekimenaren egutegia ere egongo dira ARGIAren mahaian.
Bizi Baratzearen aldean Jakoba Errekondok landarezaleen zalantzak argituko ditu eta sinadura eta guzti erosi ahal izango da Landareak Lantzen 2019ko gida-liburua. Erosgai egongo dira, baita ere, 2019ko ilargiaren egutegia, Altza Porru komiki-liburua eta Bizi Baratzea liburua (laugarren argitalpena).
Bi aurkezpen
Abenduaren 6an, 18:00etan Jakoba Errekondok eta Antton Olariagak 2019ko Landarean Lantzen aurkeztuko dute, eta abenduaren 8an, 16:00etan Jakoba Errekondok eta Pello Zabalak 2019ko ilargiaren egutegia.
ARGIA lekuz aldatu izanaren gaira itzulita, Pello Zabalak mugitu ote du hariren bat bi postuetan batera egoteko?
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
Azaroaren 2an Donostiako udal liburutegi zaharrean aurkeztu du Garbiñe Larreak ARGIArekin kaleratu duen Sendabelarrek dakitena liburua. Hona hemen aurkezpenean Estitxu Eizagirre kazetariaren galderei erantzunez egin dituen adierazpenen laburpena.