Operazio burua: “Istiluen aurkako borrokan eskarmentu gutxiko lan-taldea zen”
Ugarteko-ren aginduetara zegoen ofiziala da operazio burua, eta ez du bere burua gertatutakoaren arduradun nagusitzat jo, gainerako sei akusatuek aurkakoa dioten arren. Ertzain gehienak herri-segurtasun sailekoak izanik, askok ez zekiten pilotak jaurtitzeko eskopeta erabiltzen ezta erabiltzeko neurriak ere.
Kontraesanez betea izan zen Cabacas auziko lehen saioa. Sei urteren ondoren, sei ertzain eseri ziren atzo Bizkaiko Auzitegian, Iñigo Cabacasen hilketa argitzeko eginiko lehen saioan. “Zuhurtziagabekeria larriz” jokatzeagatik akusatzen dituzte seiak, baina gehienek esan dute egun hartako polizia operatiboa “zuzena eta egokia” izan zela, jende andana zegoela eta hura zela “kontrola hartzeko modu bakarra”.
Deklarazio batek zeresan handia eman du. Operazioko burutzat har litekeen ofizialak, gaur egun erretiroa hartua duenak, taldearen esperientzia falta salatu du, bera ere tartean sartuz. Ofiziala Bilboko herri-segurtasuneko ertzaina zen, eta “urteak” zeramatzan “kalea zapaldu gabe”. Harekin zihoazen beste asko ere herri-segurtasunekoak ziren, eta hortaz, “istiluen aurkako borrokan eskarmentu gutxi” zutela azaldu du. Zenbaitek ez omen zekiten pilotak jaurtitzeko eskopeta erabiltzen, ezta hauek erabiltzeko oinarrizko neurriak ere.
“Ni ez nintzen sartzearen aldeko”
Ugarteko-ren aginduetara zegoen. Ofiziala une oro Deustuko egoitzan zegoen operazioburuarekin komunikatzen zen. Ertzainak Indautxura iristerako, bi taldeetako jarraitzaileen arteko liskarra hasia zen. Ugarteko-ren agindua izan zen María Diaz De Haro kale bazterrera joatea eta momentu batez furgoitik ez ateratzea. Pilotak jaurtitzeko eskopetak erabiliz posizioaren kontrola hartzeko agindua ere berea izan zen, baina ofizialaren deklarazioaren arabera, modu “kontrolatu” batean burutu zen ekintza hori. Giroa baretzean horren berri eman zion Ugarteko-ri, baina honek Herriko Tabernara sartzeko esan zion. “Ni ez nintzen sartzearen aldeko; niregatik izango balitz, alde egingo genukeen”, esan du ofizialak.
Hala eta guztiz ere, Ugarteko-ren aginduetara egon arren, bertan gertatzen zenaren arduradun bera zen, eta bazuen ahalmena tiro egitea ekiditeko. Hori egiteko ez zela gai izan onartu du, ezin baitzuen “denari adi” egon.
Pilotaden erabilerari buruz ere galdetu diote, eta “okertzat” ikusi du ofizialak. Haren ustez, askoz ere egokiagoa zatekeen baliabide pertsonal gehiago erabili eta borrekin egoeraren kontrola hartzea. Bestalde, adierazi du ertzaintzaren furgoiak “giro abertzaleko taberna batera” sartzea istilu gehiagoren bila joatea dela, eta hortaz “oker” bat, edo “sarraski bat egin nahia” izan zela.
“Bagenuen eskarmentua”
13. eta 14.zenbakidun furgoneten arduradunek ere deklaratu zuten atzoko saioan. Biek gezurtatu nahi izan dute ofizialak esandakoa, esperientziarik gabeko taldea zela. “Halako ehundaka operazioetan” parte hartu izan duela esan zuen 14.eko ofizialordeak, “gainerako agenteek bezala”. 13.eko ofizialak berresten du besteak esandakoa, baina berak bere burua zuritu nahi izan du esanaz “nik ez nuen agindu pilotik jaurtitzeko”.
Epaiketak gaur eta bihar jarraituko du lekukoen deklarazioekin; gaur hamar eta bihar beste hainbeste pasako dira tribunalaren aurretik. Hauen deklarazioekin auziaren gainontzeko saioak datorren astean itzuliko dira.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.