Ez al duzu urte berriarekin batera etxean jasotako aldizkarian sinadurarik faltan bota, irakurle? Ingurumenari buruzko gaiak jarraitzen badituzu (batez ere), jakin beharra duzu Unai Break ez duela jarraituko orri hauek betetzen. Eta ez pentsa 2018a murrizketekin hasi dugunik, ez, aldaketa bere erabakia izan da, eta lagun bati agur esateko idaztera noa lerrook.
Hiruka Uribe Kostako hedabidean dabil buru-belarri murgilduta dagoeneko Unai Brea, kazetari-taldearen koordinazio-lanetan. Orain hiru urte sortu zen komunikabide hau orduko UK aldizkaria eta ukberri.net webgunea batuta, eta bederatzi laguneko ekipoa osatzen dute gaur egun Hiruka astekaria eta izen bera duen webgunea aurrera ateratzeko. Kazetariari ez zaio ezezaguna, ordea, inguru hori; duela hamabost bat urte ibilia da UKn lanean, eta kurioski, garai hartan bera ordezkatu zuen langileak itzuli dio testigua berriz Breari.
Hamahiru urte pasa ditu ARGIAn lanean. Azken hamarrak lantaldean Lasartetik, baina aurretik beste hiru freelance moduan kolaboratzen. Orain indartsu sartu behar izan du Hirukan, aldaketa prozesuan baitaude, eta kazetariaren hitzetan “ARGIAn jasotako esperientziak balioko digu zenbait gai lantzerako orduan”. Diseinu aldaketa izan du astekariak oraintxe, eta albiste laburrei webguneko eguneroko martxan espazio gehiago emanez, aldizkarian gaiak sakonago lantzea lehenetsi dute. Eta aldi berean webgunea bera ere berritzeko asmotan dira.
Lan berrian hasi berria bada ere, desberdintasunengatik galdetu diot. “Tamaina”, bota dit lehen hitza, “bai lan-taldearena, eta baita lantokiarena ere”, segi du barrez, “lehen ohituta nagoen espazioak ez du zerikusirik gaurkoarekin, eta klaustrofobiko xamarra da”. Baina ez hori bakarrik, ARGIAn kazetariak gaika banatzen badira, Hirukan herrika antolatuta daude. Dena dela, oraingoz Brea koordinazio lanetan ariko da gehiago erredaktore baino.
Eta ea ARGIAn jarraituko al dugun Unai Brearen sinadura ikusten galdetuta, erantzuna: “Oraingoz hemerotekan bakarrik topatuko nauzue. Baina blogaren aukera ere hor daukat, eta asmoa dut horri heltzeko lehen zurrunbilo hau pasa eta kokatzen naizenean”.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
Azaroaren 2an Donostiako udal liburutegi zaharrean aurkeztu du Garbiñe Larreak ARGIArekin kaleratu duen Sendabelarrek dakitena liburua. Hona hemen aurkezpenean Estitxu Eizagirre kazetariaren galderei erantzunez egin dituen adierazpenen laburpena.