Bizitzaren bidaia
Liburuaren azalean ageri dira obra honetako protagonistak, Xuban eta haren aita, eta hasieratik ikus dezakegu bien arteko harremana eta batek bestea babesteko nahia. Barruko lehen irudian bertan ageri zaizkigu aita-semea eskua emanda eta nola begiratzen dioten elkarri. Eta babes sentimendu horren inguruko obra dugu hau; bizitzari aurre egiteko zer egin behar dugun, nola egin aurre zailtasunei eta eragozpenei.
Zeruan dauden enarak Lurraren beste muturrera doazela esaten dio aitak Xubani, eta honek orduan: “Handitzen naizenean, horren urrun joan ahal izango naiz ni ere?”. Eta hain zuzen, aitak baietz esatean, “baita urrunago ere”, sortzen zaizkio Xubani kezka, beldur eta zalantza guztiak. “Eta haizea harrotzen bada?”, “Eta olatuek bustitzen banaute?”, “Eta iluntzen badu?”, “Eta beldur banaiz?”… Galdera guztiei erantzuna ematen die aitak. Semearen beldurrei eta kezkei, erantzun baikorra eman nahian.
Liburuaren egituran, ezkerreko orrialdean ageri zaigu Xuban arazo berrien aurrean kezkatuta, larrituta, beldurtuta; eta eskuinean, aldiz, aitaren erantzunarekin batera Xubanen beste irudi bat, arazoari irtenbidea emanez, irribarrez, aurrera egiteko adoretsu.
Egitura errepikakor honetan ageri dira haurrari bidaia horretan zehar bururatzen zaizkion zalantza guztiak, batzuk egoera fisikoarekin erlazionatuak, beste batzuk, aldiz, bere sentimenduekin (triste, bakarrik, beldur…); horiei guztiei erantzun egokia ematen die aitak, baita amaiera aldean “Eta urruti baldin bazaude?” bezalako galdera ilunei ere, heriotzaren presentzia gogoraraziz.
Xubanen zalantzak argiturik, aita-semeek hondartzan ibiltzen jarraitzen dute: “Beraz, horren bidaia luzea egin ahal izango dut? –galdetu dio Xubanek. –Horixe! –erantzuten dio aitak– Baina ez izan presarik, bizitza osoa duzu-eta hara iristeko”. Eta bizitza bidaia horixe dela erakusten zaigu; zailtasunei, beldurrei, eragozpenei aurre egin beharreko bidaia.
Liburu sinple eta eder honen irudiak oso errealistak dira, sinpleak eta argiak; zenbaitetan haurraren sentimendua kolorearen tonuan ageri zaigu islatuta, beste batzuetan eguna eta gauaren denbora pasa iradokitzen, baina bai batzuetan nahiz besteetan itxaropenerako deia ikus dezakegu Xubanen irribarrean.
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]
PELLOKERIAK
Ruben Ruiz
Ilustrazioak: Joseba Beramendi, Exprai.
Elkar, 2022
-----------------------------------------------
Ruben Ruizek kontakizun laburrez osaturiko obra berri bat eskaini digu. Ez dira mikroipuinak, kontakizunek, modu independentean irakur badaitezke... [+]
Memet
Noemie Marsily eta Isabella Cieli
A fin de centos, 2022
--------------------------------------------------
Kolore gorriko kanpineko kremailera ireki eta atetxotik begira gaude Lucyrekin batera. Portada honekin hartzen du irakurlea Memet komikiak. Hitz gutxiko... [+]
Bihotz-museo bat
Leire Vargas
Elkar, 2024
-----------------------------------------------------
Gazte-egarri da euskal kultur sistema. Horixe zioen Leire Vargasek Berria-n idatzitako zutabean. Odol freskoa nahi du industriak: askotarikoa eta dibertsoa. Azkenean, baina,... [+]
Norberak maite duena. Hitza gogoan, irakurketa biziz
Miren Billelabeitia
Pamiela, 2022
------------------------------------------------
Miren Billelabeitia institutuko irakaslea da, literaturzalea eta Literatura unibertsala irakasgaia ematen du duela zenbait urtetatik... [+]