Gaurkotasunaren “Analisia” Panorama atalaren barruan
Zaharrei entzun diet azken denboretan “mundu hau zoratu zaigu erabat” edo antzeko esaldiren bat. Ez dakit askoz ere aldrebesagoa izango ote den orain, lehen ere imaginatzen baitut zorotik puska bat izango zuela. Baina tira, zail zait eromena neurtzea eta gaurko zoroetxeari nola begiratzen diogun erreparatu nahi diot. Hori egin gura izan duelako ARGIAk ere, besteak beste.
“Panorama” atala da, astekarian, ARGIAk gaurkotasuna aztertzeko erabili ohi duen tresna –noski, indarrik kentzeko intentziorik gabe aldizkariko beste ataletan sakon lantzen diren aktualitateko hainbat gairi–. Baina “Panorama” da gaurkotasuna erdigunean jartzen duena. Alde guztietako informazioa jasotzen dugun honetan, ordea, agendaren lehen lerroa betetzen duten gaien abanikoa oso zabala da. Eta nola analizatu erpin horiek guztiak gure astekarian? Ez daukagu plantilan kazetari orojakilerik (zorionez). Beraz, denok lanera. Bakoitza bere gaietik, bere interesetatik. Analisi hobeak eta astekari sinesgarriagoa, ziurrenik.
Horixe da ARGIAren planteamendua. Beste erreportaje eta elkarrizketetan ere, konturatuta egongo da honezkero irakurlea, kazetari bakoitzak lantzen duela bere arloa. Bada, analisien kasuan ere, logikak agintzen duen moduan, erredakzio taldeko hainbat kidek beren gaietan lupa jarri eta aztertu bezala iritzia emateko tartea izango dute orain “Panorama” atalean, gorriz “Analisia” jartzen duen tarte horretan.
Dagoeneko gure orriak betetzen ez dituen “Maltzagatik” atala izan da “Analisia” txoko berri honen aurrekari. Xabier Letonak astero-astero zorroztasunez idatzitako lerro horiek gehienbat jotzen bazuten politikaren ildotik, oraingoan gaurkotasunari zentzu zabalagoan begiratzeko intentzioa du erredakzio taldeak. Astero erredaktore batek, txandan-txandan.
Urko Apaolaza, Mikel Asurmendi eta Unai Brea estreinatu dira dagoeneko. Ikusi egin beharko dugu zoroetxeak zein joera hartzen dituen datozen hilabeteetan, eta nor ausartzen den hortik ezer garbirik ateratzera “Analisia” atalean.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
