Interneteko ARGIAn ibiltzeko ohitura baduzu konturatuta egongo zara gai bakoitzak bere kanala duela, eta bertan pilatzen direla gai horri lotuta sortzen diren albiste, erreportaje, ikus-entzunezko guztiak. Eta orain arte ez dugu albistea eman nahi izan, baina dagoeneko ahoa ireki dezaket (batez ere martxan baitago) esateko ARGIAk emailez bidaltzen duen bere buletina berritzeaz gain buletin-sistema oso bat jarri duela abian.
ARGIAren betiko buletin orokorraz gain (honen berri eman genuen txoko honetan orain aste batzuk), hemendik aurrera kanal bakoitzak izango du bere buletin propioa. Self service izango da gainera. Alegia, norberaren interesen araberako buletin konbinazioa egin ahal izango da eskaeran. Interesatzen zaizkizula feminismoa, ekonomia eta elikadura? Bada hirurak jasotzeko eskatu ahal izango duzu klik batean. Azken ordukoa jakiten lehena izatea gustatzen zaizula? Azken ordukoen jakinarazpenak emailera bidaltzeko sistema ere prest dugu zuretzat. The New York Times edo El Pais bezalako nazioarteko hedabideen buletin sistemak izan ditugu oinarri.
Albisteak sailkatu, kanalak elikatu… eta hurrengo pausoa
Irakurleari sarean zintzilikatzen den informazioa ahalik eta eskuragarriena jartzeko helburuarekin, gaikako kanalen apustua egin da azken urteetan. Guztion artean sortzen ditugu edukiak (albisteak, erreportajeak, elkarrizketak…) eta guztion ardura da eduki horiek barne-sarean ondo etiketatzea kanalak elikatzen joan gaitezen; eta orain arte argia.eus-en topatu zitezkeenak orain nahi duenaren emailetan eskuragarri jartzeko apustua egin dugu.
Asteroko maiztasunarekin egingo dira buletin gehienen bidalketak, bi salbuespen izanik: azken ordukoak, izenak berak dioen moduan sortzen diren azken ordukoen araberako bidalketa izango du; eta English kanalak bi astean behingo maiztasuna izango du.
Kanalak sortzean jarri zen helburu berarekin emandako pausoa da hau ere. ARGIAk sortzen duen informazioa ahalik eta eskuragarriena izatea eta ahalik eta jende gehienarengana iristea.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
