Ezagutzen al dugu gure blog komunitatea?
Blogetan! lehiaketaren berri eman genizuen txoko honetan orain aste batzuk. Azkue Fundazioak antolatutako ekimenean laguntzaile dabil ARGIA, eta euskarazko blog komunitatean kultura, gizartea eta politika, aisialdia, eta zientzia eta teknologia arloetan banatuta idazten diren blog onenak saritu nahi dira. Sarean ere euskaraz bizi gaitezke eta hau bada seinalea.
Lehiaketa hutsa izan ez dadin, baina, Azkue Fundazioak aurtengo edizioan inkesta bat ere jarri du martxan. Ezagutu nahi ditu zein diren euskarazko blog komunitatearen joerak, nola kudeatzen dituzten blogariek beren orrialdeak, zein gairi buruz idazten duten, zergatik, zein euskarriren gainean aritzen diren lanean, zein maiztasunekin argitaratzen dituzten postak, eta abar. Eta gaurko joera horiek baliatu nahi dira etorkizunerako estrategiak, garapenak eta egitasmo berriak martxan jartzeko. Horretarako, ordea, ahalik eta blogari gehienek inkesta betetzea komeni da; errealitatearen ikuspegi zabala lortu eta informazioa benetan baliagarria izan dadin. Euskarazko blog komunitatea oso handia ez izanik ere oso joera ezberdinetako erabiltzaileak biltzen ditu, eta guztien errealitatea ezagutzea beharrezkoa da benetako analisi bat egin ahal izateko.
Eta inkesta hau martxan jarri dela jakinda, niri galdera bat etorri zait burura. ARGIAk bere blog komunitatea badauka, eta noizbait aztertu al dugu daturik? Zer dakigu gure komunitate honi buruz?
Korrika batean eta azterketa handirik egiteko astirik hartu gabe, baina datu orokor batzuk atera ditugu. Gaur egun 109 dira ARGIAn bloga duten lagunak. ARGIAko kazetariak batzuk, kolaboratzaileak besteak, blog bat ireki nahi eta ARGIA plataforma moduan aukeratu dutenak; eta badira taldeak edo gai konkretuak lantzeko irekitako blogak ere. 2006an hasi eta gaur arte joan dira irekitzen orrialdeak, eta 2013an izan zuen indarrik handiena; 39 blog zabaldu ziren. Urte horretan eguneko 5 postetik gora publikatu ziren, eta hori izan da momentu indartsuena. Gaur egun eguneko 2,5 post argitaratzen dira, batez beste.
Mugimendu eta joera hauek bezala beste hainbat aztertzen jarraituko du ARGIAk, hau ere bai baita denok osatzen dugun komunitatea.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
Azaroaren 2an Donostiako udal liburutegi zaharrean aurkeztu du Garbiñe Larreak ARGIArekin kaleratu duen Sendabelarrek dakitena liburua. Hona hemen aurkezpenean Estitxu Eizagirre kazetariaren galderei erantzunez egin dituen adierazpenen laburpena.