Nork bere burua famatzea itsusia omen da
ARGIAzaleek, jendeak ematen du indarra. Horixe ekarri nahi dugu aste honetan paperera: komunitatea. Harpidetza eredu berriaren bueltan egindako kanpainan galdetu dugu ea zergatik aukeratu duten ARGIA, eta ikusi zer jaso dugun bueltan.
Aitziber: “ARGIA proiektuan sinesten dudalako. Egun gehien asetzen nauen komunikabidea delako eta eskuzabaltasunez ematen duenari lagundu nahi diodalako”.
Endika: “Behar-beharrezkoa baita kalitatezko eta euskarazko komunikabide independenteak izatea, ARGIA bezalakoak”.
Alex: “Zuen aldizkariak jorratzen dituen gaiak oso interesgarriak iruditzen zaizkidalako. Proiektu herritarra eta parte-hartzailea delako”.
Eneko: “Beste komunikabide batzuk isilarazten dutenari behar duen garrantzia ematen zaiolako, edukiek interesa piztu ohi didatelako, euskaraz delako eta ikus-entzunezkoak eta infografiak euskaraz eskuragai izateari garrantzia ematen zaiolako”.
Gari: “Produktu komunikatibo bezala oso interesgarria iruditzeaz gain, azken 4-5 urteetan kontzeptu aldetik izan duen bilakaera oso interesgarria iruditzen zait. Jarraitzailea nintzen baina ezin nuen aldizkaria etxean jaso, ezin asumitu nezakeen gastua zelako. Gurasoen etxean irakurtzen nuen paperean, arrazoi ekonomikoengatik beraiek ere harpidetza eten behar izan zuten arte... Harpidedun ez izateko arrazoi bakarra ekonomikoa nuenez, zuek ahalegin hori egin duzuen unean, nik ere neurea egin dut”.
Maria: “Zuena kazetaritza zintzoa, kritikoa eta duina delako”.
Iban: “Euskal Herriko kazetaritza independentea gura baduzu, duda barik ARGIAra harpidetu!”
Komunitatean oinarritzen den proiektu honekin jarraitzeko bultzada ederra da hau. Mila esker lerro hauetan agertzen zareten eta ezkutuan geratu zareten guztiei.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
