Blog izarren bila lehiaketa martxan da
Blogari euskaldunak sarean pizteko lehiaketa antolatu du Azkue Fundazioak ARGIAren laguntzaz bigarren urtez.
Gogoratzen dut nola joan nintzen lehen edizioko sari banaketara Bilbora, ez nik saririk jaso behar nuelako, noski; imajinatzen dut 2014 hartan albistea osatzeko eskatuko zidatela erredakziotik. Eta niri ere aipatu zidaten arte oso ondo zer zen ez nekienez eta gaur ni bezala besteren bat egon daitekeenez, kontatu egingo dizut pixka bat, irakurle.
Helburu garbia du lehiaketak: euskarak sarean geroz eta presentzia handiagoa izateko asmoz, mundu digitalean euskaraz aritzeko hautua egin duten pertsona edo taldeen lanari oihartzuna eman, eta blogari euskaldun berriak piztea. Lau kategoriatan banatzen da txapelketa: kultura, gizartea eta politika, aisialdia eta zientzia eta teknologia. Edonork aurkeztu dezake bere bloga lehiaketan, eta blogik ez duenak ere proposatu dezake berak irakurri edo ezagutzen duenen bat. Irabazleen hautaketan publikoak (www.blogetan.eus helbidetik edo twitter bidez) eta epaimahaiak hartuko dute parte.
Lehenengo lehiaketan, 2014an, ehun eta hamabost blogek hartu zuten parte, eta hauek izan ziren irabazleak:
– Kultura: KLAK... eta (Iñaki Gauna).
– Gizartea eta politika: Arma, tiro, klik (Amaia Lekunberri).
– Aisialdia: Tropela bloga (Tropela taldea).
– Zientzia eta teknologia: Euskalnatura (Euskalnatura taldea).
– Blogari berriaren saria: Gaizka Izagirre. Ikusi makusi... zer ikusi? blogagatik.
Bigarren edizio honetan parte hartzeko edo proposamenak egiteko epea dagoeneko zabalik dago, urtarrilaren 16tik otsailaren 13ra. Otsailaren 13tik martxoaren 10era blogak bozkatzeko aukera egongo da. Martxoaren 13an iragarriko da zein diren 12 blogari finalistak, eta martxoaren 13tik 20ra izango da azken bozkatzea eta irabazleen aukeraketa. Irabazleak epaimahaiak aukeratuko ditu, eta martxoaren 30ean egingo da sari banaketa.
Informazio guztia: www.blogetan.eus-en. Animatu!
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
Azaroaren 2an Donostiako udal liburutegi zaharrean aurkeztu du Garbiñe Larreak ARGIArekin kaleratu duen Sendabelarrek dakitena liburua. Hona hemen aurkezpenean Estitxu Eizagirre kazetariaren galderei erantzunez egin dituen adierazpenen laburpena.