Durangokoa ez da azoka bakarra
Ordizian, kanpotarrontzat behintzat, azoken artean ezaguna berdura azoka da, asteazkenetakoa, eta urtean behin egiten diren gaztarena eta horrelako bereziren bat edo beste. Baina jakin berri dut abenduan liburu eta disko azoka ere antolatzen duela urtero1994tik lanean ari den Hitzaro Euskara Elkarteak. ARGIA ere bertan izaten omen da. Stand-ik gabe, Jakobarik eta letxugarik gabe, baina presente.
Hitzarok urte osoan zehar lantzen du, euskara elkarte askok moduan, hizkuntza kulturaren, aisialdiaren, normalizazioaren edo komunikazioaren ikuspegitik, eta abenduko azoka hau ere agendaren barruan sartzen da. Helburua herritarrei erakustea zer publikatzen den, zer sortzen den euskaraz gure herrian. Eta irakurleak esango du, “funtzio hori Durangok betetzen du”. Tira, agian bai, baina zergatik ez antolatu herrietan ere, txikitik, horrelakorik? Ez sortu dena ezagutzera emateagatik bakarrik, egiten diren harremanengatik ere. ARGIAren kasuan lauzpabost urte daramatza elkarlanean Hitzarorekin azoka honen harira, eta batak bestea elikatzen du; Hitzarori ondo datorkio ARGIAren urteko eskaintza bertan izatea, eta ARGIAk elkarlan honen bidetik sendotzen du bere komunitatea. Bueltan-bueltan horixe da, komunitatea.
Gestioa Hitzarok berak egiten du. Komunikabide, argitaletxe eta abarretara deitu, eta haiek pasatzen diete materiala. ARGIAren kasuan ere horrela izaten da, eta urteko aukerak, argitalpenak, berrikuntzak bidaltzen dira Ordiziara. Hitzaroko kide batek aipatu digu “elkarlan honek lagundu diela Euskara Elkarteko bazkideei zenbait komunikabidetara gerturatzen”. Eta zer da ba hori baino komunitateagorik? Amarauna sendotzen doa, hamaika haritatik tiraka, eremu bakoitzean harrapatzen baita inguru bat, jende bat; eta inguru horiek guztiak oso desberdinak izanik ere zerbaiten bueltan biltzen dira, proiektu bat partekatzen dute eta egunero eraikitzen dute proiektu hori.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
