Pertsona bat, belaunaldi bat, jarrera bat
RIP taldearen sortzaile eta beste hainbat musika proiektutan aritutako Jul Bolinaga arrasatearrari omenaldi itzela egin zioten bere herrian 2015eko ekainean, motorren eta musikaren zale amorratua zenaren ibilbide emankorra matrikula kutsuko izenean batuta. Gitarra jotzailearen lagunen burutazioa eta ekimena izan zen, eta herriko jaietako egitarauan sartuta Arrasateko Udalak ekimena bera erraztu eta lagundu zuen. Arrasateko Monterron parkean ospatutako jaialdi horretan bizi izandakoa oso zaila izango da errepikatzea: Euskal Herriko –eta kanpoko– musika-eszenako iraganeko eta gaur egungo belaunaldi desberdinek parte hartu zuten, batzuek agertoki gainean eta beste batzuek horren azpian. Baina guztiak pertsona bat, belaunaldi bat, gauzak egiteko modu bat omentzen eta ospatzen jai giroan, berak egingo lukeen bezala. Han bizi izandakoaren lagin esanguratsu bat Jul Lagunak ekimenak kaleratutako DVD bikoitz honetan jasota dago.
DVDaren lehenengo blokean Jul nekaezinak izandako musika talde askotariko batzuk jasota daude, gau hartan zuzenean aritu zirenak: The Clashen kantutegia lagun artean partekatzeko sortutako Magnificent 7 proiektua, Arrasatekoa; punkaren esentzia eta desparpajoa berpizteko Txerra eta Jul Bolinaga anaiek Gasteizen beste lagun batzuekin batera sortutako Karrocerias Betoño; aipatutako anaiek punk-rock gitarreroena errebindikatzeko zakur zahar gehiagorekin sortutako Piztu Punk!; eta azken garaian banjoarekin txoratzen sortutako The Potes taldea, folka, parranda gogoa eta punk esentzia batzen dituena.
DVDaren bigarren blokea, berriz, RIPen kantutegiak osatzen du eta Jul-en anaia zein RIPen sortzaile ere baden Txerra bateriaren atzean izan zen lanean (eta disfrutatzen) kontzertu osoan. Bitartean, iraungitze datarik ez duten eresi garratz horiek abesten zein interpretatzen dozenaka abeslari, gitarra eta baxu jotzaile txandakatzen joan ziren parke zoragarri horretako agertokian, kantutzar horiek bere egiten eta gurekin partekatzen. Aspaldiko aurpegiak arimaz gaztetuta eta oso sasoi onean ikusi genituen (Josu Zabala, Eneko Bap!, Fermin Muguruza, Drogas, Pikotas Odio, Andoni Delirium Tremens, Niko MCD, Mamen eta Loles Vulpes, Poti Cicatriz en la Matriz, Isa IV Reich, Nabo Cirrosis eta abar), beste belaunaldi batzuekin (Soziedad Alkoholikako kideak, Fer Apoa, Juan Governors, Podri Rat-Zinger, Juanra Kop eta abar) eta Arrasateko hainbat eta hainbat musikarirekin, Jul bidelagun izan zutenak, bat eginda.
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.
Benito Lertxundi 60 urte iraun duen kantugintza uzten zuela jakinarazi du Durangoko azoka aitzin. 2023an Gernikan grabatu zuen kontzertu baten diskoarekin bururatuko du bere ibilbide handia bezain aberatsa. Bazuen urtea hartua zuela erabakia, ez da erraza izan horren berri... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]