Egurrezko kristala
KUARTZ-EN KONTZERTUA
Iparraldeko rock eszena ttipia oraindik bizi dela ikusi genuen joan den urriaren 1ean... Bunuzen! BOTA gaztetxeak berriz ere besta ederra antolatu zuen, azken 15 urteetan preso den Didier Aguerre Pagolarraren sostenguz.
Hau izan zen gaualdiaren egitaraua: Amaren alabak xiberotar abesbatza, Doctor Mephisto blues rock bertsio talde fina, Zoo-ren hardcore-rap experimentala, Kuartz talde berri berria eta lepoen astintzen segitzeko Dama Baztango metalcore laukotea. Estilo desberdinetako talde horiek entzuleengan kuriositatea piztu eta giroa laster berotu zuten.
Jo zuten talde guztiek kronika bana merezi badute ere, honakoa Kuartz taldeari eskainia izanen da.
Kuartz, stoner rock bizia jotzen duen bikotea da. Ibes Mongabure gitarran eta kantuz, lehenago Hurmurao metal taldean ezagutu genuen. Teknika landuari esker baxuaren lana ere egiten du Ibesek. Bere gitarra soinu indartsua aterako zuela nehork dudarik ez zuen baina talde berri huntan kantari talentuak ere erakutsi ditu!
Baterian Oihan Delavigne, nehoiz jotzen ikusi ez nuena. Honek zuzen eta indartsu laguntzen ditu Ibesen riff-ak, eta plazerez egon nintzen haren jokoa behatzen.
Hor dugu bikotea: kantuak arras landuak, bien arteko kohesio ederra, publikoa harrotzeko helburuarekin.
Aspalditik gustatzen zait stoner musika, 1990eko hamarkadan Kaliforniako basamortuan Kyuss taldeak bluesa, rocka eta metala batuz sortu zuen estiloa. Azken urteetan stonerra anitz entzun bada ere, Kuartzek erakutsi digu bazuela zer erran, eta uda hontan kontzertuak ematen hasi den taldeak jada bere nortasuna baduela dudarik ez da! Taldeak ez du stonerraren aurpegi psikodelikoa lantzen, baizik eta estiloaren zuzentasuna, indarra eta melodia. Estiloaren kodigoak hor ditugu bai, baina eraginak nahasiz finezia eta sorpresa ere sortzen jakin dute. Melodia ederrak, riff dinamikoak, pasarte lasaiagoak ere bai, aspertzeko astirik ez digute utzi bi horiek.
Eszena gainean jarrera xumea badute ere, jotzeko plazerrak animatzen dituela ageri da, eta kantu on zein landuei esker, gaitzeko energia transmititzen dute. Aspektu teorikoekin zuek konbentzitzen entseatu naiz orain arte, baina burmuina itzali eta zentzuekin pentsatzean, sinpleki erran nezake gau hartan Kuartzek egurra bota zuela! Lehen lerroan ginen lagunek denbora guztia pasatu dugu dantzan, saltoka, oihuka, irria ezpainetan. Bota beste garagardo bat! Hori bai rock’n’rolla!
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
Ane Labaka Mayoz bertsolari eta idazleak ‘Hezur berriak’ (SUSA, 2025) poesia liburua plazaratu berri du. Bertan, amatu aurreko eta ondorengo hilabeteetan bizitako beldurrak, ilusioak, biolentziak, presio sozialak, erruak, pozak eta nekeak bildu ditu.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
.jpg)
Astearteko greba egunak %100eko jarraipena izan du, sindikatuen arabera. Hilaren 11rako eta 15erako deituta daude beste bi lanuzteak. 335 langile kaleratu nahi ditu Japoniako pneumatikoen multinazionalak Basauriko (Bizkaia) plantatik.