Badakigu noiz urratzen diren gure eskubideak?
Ez al zara sekula egoera baten aurrean zer esan oso ondo jakin gabe geratu, irakurle, zure eskubideak urratzen ari direla jabetu baina askotan ez dugulako jakiten benetan nola erantzun beharko genukeen kasu horretan? Momentu bat eta beste oso desberdin bat etorriko zaigu burura bakoitzari, baina uste dut guztiok identifikatzen dugula bizipen hau. Askotan agian ez gara jabetzen gure eskubideak urratzen ari direnik ere.
“Gure eskubideak” sail berria jarriko dute martxan datorren astean ARGIAn Eider Madina Berasategi iruindarrak eta Eñaut Agirrebengoa Apaolaza altsasuarrak. Hilean behingo saila izango da, eta helburu du urratu diren eta tamalez egunero urratzen diren giza eskubideen salaketa egin eta horien aurrean zein irtenbide dauden azaltzea. Orokorkerietan erortzeko gogo handiegirik gabe, lehen pertsonan kontatuko dira bizipen hauek; hau da, bere eskubide urraketa pertsonalaz hitz egingo digun lagun baten kontakizuna ekarriko dute paperera.
Irudi-intimitate eskubidearekin ekingo dio sailari Madinak, eta honela dio lehen esaldiak: “Mari Paz Arrula naiz, tafallarra, eta adin guztietako beste 150 emakume baino gehiago bezala gure herriko taberna bateko komunean grabatua izan nintzen, lokalaren jabeak jarritako kameren bidez”. Hurrengo hilabeteetan pentsionisten eskubideak, etorkinenak, linguistikoak, kontsumitzaileenak edo indarkeria matxista bezalako gaiak jorratuko dituzte.
Gai potolo bat adar bakoitzaren bizipen txiki bakoitzetik kontatzeko apustua egin dute egileek, eta kontakizun zehatz bakoitzaren atzean dagoen egoera osoa ikustarazteko beste modu bat aukeratu dute. Zifra batzuk emanda baino, askotan gehiago heltzen gara irakurlearengana istorio pertsonaletatik, eta gertuago sentitzen ditugu.
Batzuetan, ordea, istorioa kontatuko duena falta izaten da, eta horretarako deia egiten dute bi gazteek: modu batera edo bestera zure eskubideak urratuak izan badira eta kontatu nahi baduzu, jarri harremanetan gizartea@argia.eus helbidera idatzita.
"Gure bizitzak haienak baino garrantzitsuagoak dira", esan dio Israelgo armadako soldadu batek Israelgo komunikabide bati.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Donostian jaioa, urte mordoxka bat Alkizan eman zituen bizitzen, baserri batean. Inguratzen zuen naturak lilura sortzen zion. Margolari gisa egin da ezagun, nagusiki.
Hamasen erasoaren ezohiko muntak, eta Israelgo gerra-kabineteak hari emandako erantzunaren desmasiak zerikusi zuzena dute ondorio geopolitikoen sakonerarekin. Ekialde Ertainean eta nazioarteko aliantzetan aldaketak eragin ditu genozidioak: Israelek zer irabazi eta galdu du?... [+]
Munduko bigarren gizonik aberatsena, Elon Musk, gezurrak eta mezu sektarioak hedatzen, propaganda egiten ari zaio Donald Trumpi, inkestek gero eta gehiagotan diotenean Kamala Harris izango dela AEBetako hurrengo presidentea.
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
96 urterekin eman du azken hatsa. Nafarroa Garaian zein Euskal Herri osoan, mendizaletasunaren aitzindarietako bat izan zen, Angel Oloron senarrarekin batera.
Abuztu hasierarekin batera, bero, idorte eta su arriskuak altuak dira mendiguneetan. Arriskuen murrizteko nahian, 2021tik, Lapurdi eta Nafarroako mendigunea osatzen duten hiriek zonbait protokolo eta konbentziotan elkartu dira, mugaz gaindi. Horien artean, “Gure... [+]