Ase
Emanaldia
Andre Zuriaren jaietako kontzertuetako batzuek: Izaki Gardenak, Niña Coyote eta Chico Tornado, Montauk, Capsula eta Willis Drummond..
Zer diren hirietako jaiak: urte guztian zehar egin diren kontzertuak (askotan instituzioen trabez gaindi) batera baino gehiago izaten dira epe jakin batean. Askotan, okitzeraino. Baina kexaka aritzea baino, probestea izaten da kontua, eta hauexek pasa diren Gasteizko jaietan gozatu ahal izan genituenak.
Izaki Gardenak-ena izan zen ikusi genuen lehen emanaldia. Abuztuaren 5ean jo zuten, Aihotz Plazan, behin gauerdia pasata. Nabarmena zen etxean zeudela, are gehiago taldekideak aldatu direnetik eta guztiek Gasteiz dutenetik bizileku. Kontzertu berezia izan zen, indartsua, eta plaza bete ez bazen ere, zeudenak gustura zeudela agerikoa zen.
Hilaren 7an, berriz, Niña Coyote eta Chico Tornado txosnetako karpa txikian. Bi laguneko banda da, baina, efektuak eta hainbat anplifikagailu lagun, belarriz, gehiago direla dirudi. Baliabide hauek ondo darabiltza Koldo Soretek, eta bestela planoa izango zatekeen soinuari askotariko testurak gehitzen dizkio. Emanalditik zerbait aipatzekotan, DUT taldearen Haize Eza jo zutenekoa azpimarratuko nuke, batez ere kantuak berak sortzen duenagatik, ez hainbeste taldearen exekuzioagatik, jatorrizko kantuari ez baitiote askorik aportatzen.
Abuztuaren 8a zen, baina, egun seinalatua gutako askorentzat. Hasteko, hiruzpalau kontzertu besterik ez daramatzaten Montauk taldekoak, Coyote eta Tornadoa ikusitako agertoki berean. Kutsu intimistako rocka egiten dute gasteiztarrek, eta intentsitatearekin asko jokatu. Beñat Goitia abeslariaren hitzetan ez zen eurentzako plazarik onena, baina egoki defendatu zituzten beraien estreinako Bilaketan laneko kantuak. Ruper Ordorikaren Zaldiak Negarrezen bertsioa izan zen gaueko lehen sorpresetako bat.
Capsula hirukotea zetorren segidan, eta jendea eszenatoki handira gerturatzen hasi zen bizkor. Entzuleria hotz baten aurrean hasi ziren euren psikodelia kutsuko rock kantuak eskaintzen. Delirium Tremensen Ikusi eta Ikasiren bertsioak ez zuen giroa berotzen lagundu, egia esan. Eta saiatu zirenik ezin uka. Martin gitarra jolea entzuleria berotzeko lanetan gelditu gabe aritu baitzen. Eta eman zuen fruitua: kontzertu amaieran festa giroa zen nabarmen Iggy Popen I Need Somebody eta David Bowieren Suffragette City jo zituztenerako.
Eta festa giro hori airean zela igo ziren Willis Drummond-darrak. Hiri berezia da Gasteiz beraientzat, eta bertako askorentzat ere talde berezia da; planetak lerrokatuta, beraz. Hasi eta bukatu, berebiziko kontzertua eskaini zuten, eta berriz ere argi geratu zen gaur egun Euskal Herrian taula gainean entzun daitekeen talderik indartsuenetakoa direla. Ez da asko aldizkari honen orrietan beraien EHZko kontzertuaren kronika idatzi zuela Andrea Zubozkik, eta gutxi asko berdintsua izan zenez, hura irakurtzera gonbidatzen zaituztet.
Hauek, eta gehiago izan ziren pasa diren jaietan; baina hauexetaz besterik ezin izan genuen gozatu. Espero ondo aukeratu izana. Ni, behintzat, ase ninduten.
Jan-edanean zeuden denak, itxuraz alai, baina baten bat urduri zebilen aperitibo eta aperitifa artean. Bigarrenez jasoko zuen saria, baina eskuetan edukiko zuen lehenbizikoa izango zen. Eta urduri zegoen, oroigarriak bulegora heldu beharra zeukalako, joder. ARGIA Sariak ez dira,... [+]
Gauzak bizi eta azkar aldatzen badira ere, zenbait kontu ez dira aldatzen: Argia Sarien ekitaldia da horietako bat. Horixe esan dio kronikagile honi beharrera etorri den kanpoko kazetari batek, ARGIA asko aldatu dela esatearekin batera, sari-banaketa hasi aurretik. Onerako ari... [+]
EITB Kultura telebista saioak jaso du Argia Saria euskal kulturgileen lana bistaratzeagatik, Euskal Herriko txoko guztietako proiektuak telebista publikora ekartzeagatik, eta egiten duten kalitatezko ikus-entzunezkoagatik. Saria Leire Ikaranek eta Kerman Diazek jaso dute, Berde... [+]
Prentsako Argia Saria Irutxuloko Hitza-rentzat izan da, eskuin muturraren igoerari egindako jarraipenagatik eta talde erreakzionarioen benetako aurpegia erakusteko kalean hor egoteagatik. Aurten 20 urte beteko ditu Donostiako hedabideak. Aizpea Aizpurua, Andrea Bosch,... [+]
Entzunezko Argia Saria BaDA!bil podcastak jaso du, Hiru Damatxo ekoiztetxeak ekoitzitakoa, eta Gerediaga elkarteak eta EITBk finantzatutakoa. Podcastak kulturgintzan dabiltzan lau mahaikidez osaturiko bost mahai inguru jaso ditu Durangoko Azokaren bueltan. Saria jaso dute Amets... [+]
Hamabost urteotan gazteenen artean euskara sustatzeko egindako lanagatik eta lortutako arrakastagatik, Merezimenduzko Argia Saria Ene Kantak proiektuarentzat izan da. Saria Nerea Urbizu, Fermin Sarasa eta Jesus Irujok jaso dute.
Seme-alabek lehen mugikorra izateko adina atzeratzeko eskolaz eskola egindako lanagatik eta lortutako emaitzengatik, ikastetxeak mugikorrik gabeko arnasgune izateko borrokagatik, kanpaina onenaren Argia Saria guraso elkarteek osaturiko Altxa Burua ekimenarentzat izan da... [+]
Galtzaileen herri ondarea sarean jartzeko erakunde publiko batetik egindako ahaleginagatik, ahots gabeen ahotsa entzuteko aukera emateagatik, eta batez ere, Nafarroak aitzindari izaten segi dezan oroimen historikoa berreskuratzeko bidean, Interneteko Argia Saria Nafarroako... [+]
Onintza Irureta Azkunek egin du hitzartzea ARGIAko lantaldearen izenean:
"ARGIAko komunitatea osatzen duten milaka lagunetako batek berriki adierazi digu batzuetan ARGIA iluna dela, barruak mugiarazten dizkion albiste gogorrak daudela. Lan ona egiten dugula, baina... [+]
Sei sari banatu ditugu aurten: ikus-entzunezko saria EITB Kultura telebista saioari eman zaio, prentsako saria Irutxuloko Hitza Donostiako hedabideari, entzunezko saria BaDa!bil podcastari, interneteko saria Oroibidea bilatzaileari eta komunikazio kanpaina onenaren saria Altxa... [+]
Ekimenak erreferendum eskaera egin du eta Shirley Weber estatu idazkariak onartu. Orain, prozesuari jarraipena emateko, 546.000 sinadura lortu behar dituzte datorren uztailerako. Marcus Evansek egin du eskaera.
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Arizona
Aktoreak: Aitziber Garmendia eta Jon Plazaola..
NOIZ: urtarrilaren 26an.
NON: Berrizko Kultur Etxean. plazan.
-------------------------------------------
Arizona eta Mexiko banatzen dituen muga zaintzera abiatu da Idahotik Margaret (Aitziber Garmendia) eta George (Jon... [+]