Krisiak krisi, I+G-a mantendu egin da
Dena ez da negatiboa euskal industria politikak krisiaren aurrean izandako jarreran. Gauza baikorrak ere badaude, Ikerketa eta Garapenaren ingurukoak kasu. Ondorio hori atera dute unibertsitateko pertsona independenteek egindako ikerketa dokumentatu eta interesgarri batean. Adelheid Holl eta Ruth Rama, Espainiako CSIC Ikerketa Zientifikoen Kontseilu Goreneko kideen “Jardun berritzailearen iraunkortasuna krisi garaian: EAEren kasua” izeneko lana saritua izan da.
Espainiako Estatuan garatutako beste I+G politikekin konparatu ostean, batez ere Madril eta Kataluniarekin, ondorioztatu dute EAEn garapen hobea izan duela. Egileen aburuz, krisiaren aurrean berrikuntzaren aldeko jarrera izateak garapena sustatu dezake, Finlandia eta Hego Koreako kasuek erakusten duten moduan. Testuinguru horretan, diotenez krisiak ez du eragin bera izan, berrikuntza gastuei dagokienez, euskal enpresetan eta konparagarriak diren Espainiako Estatuko beste tokietan. Sektore arteko desberdintasunak eta enpresen ezaugarri nagusiak azterturik, I+G arloan enplegua ematen duten EAEko enpresek, batez ere enpresa txiki eta ertainek, euren jardun berritzailea abandonatu izanaren probabilitate askoz baxuagoa erakutsi dute, areago, berrikuntzarako ahalegina handitu izana ez da baztertzen.
EAEn hartutako politika anti-ziklikoek, beraz, lagundu diezaiekete eskulana eta zerbitzuak eskaintzen dituzten enpresei krisiari aurre egiten, Espainiako Estatuko beste tokietan baino baldintza hobeagoetan. Ikusi beharko da ikerketak ondorioztaturikoak bat egiten duen euskal industriaren errealitatearekin eta ahalegin berritzaileak gure herrian enplegua sustatzeko eta egonkortzeko balio duen.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Hemendik aurrera egunkarian soilik "norbanakoen askatasuna eta merkatu librea" sustatzen dituzten iritziak jasoko direla adierazi du enpresaburuak. Iritzi artikuluen zuzendariak hedabidea utzi duela ere argitaratu du.
Urteak iragan dira bere azken argazkia ikusi zenetik. 26 urte daramatza preso Abdullah Öçalanek Turkiako Imrali uhartean isolatuta, "erakunde terroristako" buruzagitza egotzita. Ostegun eguerdian bere argazki berri bat zabaltzeko baimena eman du Turkiako... [+]
Elkarteak ekainaren 27, 28 eta 29an Arberatzen (Nafarroa Beherea) izango den jaialdian izateko aurresalmenta abiatu du ostegunean. Hiru eguneko sarrerak 43 euro balioko ditu eta Ipar Euskal Herriko "lau ertzetatik" festibalera hurbiltzeko autobusak antolatuko dituztela... [+]
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.
Arma nuklearren produkzioarekin, mantentze lanekin eta modernizazioarekin loturak dituzten hainbat enpresa aztertu dituzte, eta horien artean agertzen dira BBVA, Santander bankua eta SEPI.
Iazko urriko bileran lortu ez zuten akordioa erdiestea espero dute COP16ko parte-hartzaileek, eta ostegun honetan dute gailurraren azken eguna. 2030. urtea bitartean, bioaniztasunaren alde 200.000 milioi dolar bideratzeko engaiamendua hartu zuten 2022ko COP15 gailurrean, eta... [+]
570.000 familiak euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren... [+]
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
"Ipar Euskal Herria gaztez odolusten ari da". Sail berriak sortu goi-mailako ikasketetan, etxebizitza sozialak egin gazteentzat edo aisialdia euskaraz bermatu… Hamabost proposamen konkretu egin ditu Xuti Gazte ezker abertzaleko gazte antolakundeak.
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]