ARGIAren barrenak bekadunen ahotik
Bukatzen dute praktikaldia Iker Oñatek eta Ane Urkolak, eta ekainean sartzearekin batera ekingo diote martxari bekadun berriek. Hiru bat aste izango dira ARGIAn praktikak egin ahal izateko proba egin zutela hainbat gaztek, eta prest daude hurrengo hiru lauhilekoetarako bekadunak.
Iker eta Ane izan dira azkenak, eta kafe bat hartuz egonaldia kontatzeko eskatu diet. Hasieran lotsati esan didate gustura egon direla, lehen egunetik harremana gertukoa izan dela... Hori oso ondo dago, eta baloratu beharreko gauzak dira, ados, familia txikia garela eta tratuan nabari dela hori; zuk ordea, irakurle, nik bezalaxe kontakizun honetan morbo gehixeagoko zerbait bilatzen duzu: erredakzioko kideen maniak, trapu zaharrak, pasadizoak. Baina ez pentsa, ondo prestatzen dituzte ahoa gehiegi ireki ez dezaten.
“Zein gai dituzu gustuko?” izan omen zen lehen eguneko galdera. Tira, gero parean tokatutako edozein albiste aspergarri pasako badizute ere, lantaldean adeitasunez ondo dabiltzan seinale. Dena dela, esan dizuet ondo prestatzen dituztela lau hilabete horietan eta biak alde horretatik eroso aritu direla esan didate.
Titularren gaiari heltzean hasi dira aurpegiak aldatzen. “Batzuekin gehiago findu behar izaten da”, “zorrotzagoak dira batzuk besteak baino”...; azkenean pastela atera den arte: “Landerrekin ez da inoiz asmatzen!”. Barre artean aitortu didate albistearen zuzenketarekin batera etortzen zela “oso ondo dago, baina...”, eta total, azkenean titularrean aldaketa.
Hilabete hauetan ikasi dute erredaktore bakoitzaren moduetara moldatzen, Unairen ingurugiro eta eko gaien lanketa ase ezina, Gorkak esaldi luzeak komarik gabe osatzeko duen gaitasuna edo Pelloren Net Hurbiletako kurtsibak (asteazkenetako lanen artean dago astekaria sarera igotzea, eta lan berezia eskatzen duten letra horiek ondo gogoan dituzte).
Azken galdera aurkeztu diedan bezala pentsatu dut “oraingoan harrapatuko ditut ARGIAko hauek”: produktuak egiten duen ibilbidea ez diete erakutsi, seguru. Baina ezta horrela ere. Ezagutu omen dute guztia. Hurrengo bekadunekin saiatu beharko naiz aurrerago, ea txutxu-mutxuren bat kontatzen didaten.
Martxoaren 27an aurkeztu zuen ARGIAk Bizi Baratzea Orria, lurrari begiratzen dion urtarokako aldizkari berria. Martxoaren hasieran zabaldu zen kide egin eta formatu oso berezia duen orri handia etxean jasotzeko aukera. Erantzun oso beroa izan du. Kide hauen profila ezagutu nahi?
Urtaro bakoitzean kaleratuko den aldizkari honek Lurrari buruzko jakintza praktikoa eta gaurkotasuneko gaiak jorratuko ditu. Formato oso berezia du: plegatutako orri handi bat da eta zabaldu ahala poster handi bat agertuko zaigu barnean. ARGIAk sostengatzen du Bizi Baratzea... [+]
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
