Donostia, musika klasikoaren epizentroa
Ez da gehiegikeria izenburuan esaten dudana, hain baita garrantzitsua apirilaren 1ean Donostiako Kursaal Auditorioan ospatuko den ekitaldia: International Classical Music Awards (ICMA) sari-emate ekitaldia eta gala kontzertua. ICMA proiektua zer den ezagutzen ez duzuenontzat, esan daiteke musika klasikoaren Grammy sarien parekoa dela eta, beraz, mundu osoko ekoizpen onenak, ibilibide musikal arrakastatsuenak edo artista errebelazioak saritzen dira, besteak beste. Ez da gauza erraza ospakizun hau Euskadira, Donostiara hain zuzen ere ekartzea, baina Euskadiko Orkestra Sinfonikoak lortu du beste hainbat hiritan lortu ez dena, lan asko egin ondoren. Izan ere, sari-emate ekitaldia antolatzeko nolabaiteko leku enblematikoa aukeratzen da, kontuan harturik tradizio kultural eta musikala, eta erreferentziazko orkestra baten egoitza edukitzea, beste gaitasun batzuen artean. Euskadiko Orkestra Sinfonikoaren zuzendaritzak asmatu egin du honelako ekitaldia guregana ekartzearekin. Bestalde, Donostia 2016 Fundazioaren laguntza ezinbestekoa izan da proiektu honetan. Kontuan harturik aurten Donostia Europako Kultur Hiriburua dela, ezin aproposagoa suertatzen da ekimen hau.
ICMA 2010. urtean sortutako ideia da, eta ez edonola. Hamahiru herrialdetan (Turkia, Finlandia, Belgika, Alemania, Hungaria, Austria, Errusia, Italia, Suitza, Erresuma Batua, Luxemburgo, Frantzia eta Espainia) musika klasikoaren alorrean erreferentziazko hamazazpi komunikabide paperezko zein digital eta irratien ordezkariak diren musika kritikariek izan zuten iniziatiba.
Historia pixka bat egiteko, sari-ematearen lehenengo ekitaldia Finlandian izan zen, 2011n; hurrengo urtean, Frantzian antolatu zen, Nantesen hain zuzen ere; 2013. urtean, berriz, Milanen; 2014an Varsovian, eta azkenekoa, 2015ekoa, Ankaran ospatu zen.
Oraingo honetan, beraz, Euskadiren txanda da. Esan bezala, sari-banaketaz aparte gala kontzertu paregabe batez disfrutatuko dugu non, Euskadiko Orkestrarekin batera, sarituak diren artista batzuek parte hartuko duten, hala nola Dame Felicity Lott soprano ingelesa (bizitza osoko ibilbideari saria), Christian Lindberg tronboi-jotzaile suediarra (urteko artistari saria), Pablo Ferrandez txelo-jotzaile espainiarra (urteko artista gazteari saria), Nikolai Song hamahiru urteko flauta-jotzaile singapurtarra (errebelazio saria), Javier Perianes piano-jotzaile espainiarra (Harmonia Mundi diskografia ordezkatuz, honexek lortu baitu urteko diskografiari saria), David Violi piano-jotzaile frantziarra (lorpen bereziari saria), Michala Petri flauta-jotzaile alemaniarra eta Mahan Esfahani klabezin-jotzaile irandarra (antzinako musikaren interpreteei saria), eta Lukasz Dlugosz flauta-jotzaile poloniarra (musika garaikidearen interpreteari saria). Ikusten den bezala, zerrenda mardula oso egitarau erakargarria interpretatuko duena. Sarrerak salgai daude jada. Musika maite baduzu, ez galdu.
Sariketa / Kontzertua
Non: Donostiako Kursaal Auditorioan
Noiz: apirilaren 1ean
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Ugaztun hitza entzutean, askotan burura etortzen zaizkigun lehen ordezkariak tamaina handienekoak izan ohi dira: hartza, otsoa, oreina… Batzuetan etxekotutako katua edo txakurra dira agertzen lehenak, edo urruneko lehoiak eta elefanteak. Ikusgarritasunak lehia irabazi ohi... [+]
Laster urte guztian izango ditugu malko ilar goxoak (Pisum sativum). Oraindik, ordea, negua eta udaberria dira, ia erabat ilar freskoak jateko sasoia; udaberrian jango ditugun azken ilarrak ereiteko garaia orain hasten da. Eta oraintxe jango ditugu urria aldera erein zirenak.
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Palestinarren genozidiorako Israelek erabiltzen duen arma nagusietako bat gosea da. Alde batetik, Gazara elikagaiak sartzeko debekuarekin, eta, bestetik, Palestinako elikadura-burujabetza ezabatuta.
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]