Mundua musika bilakatu zen
Lagunek erran dautate; «ze?! haier buruz eginen dun kronika?! burges-orkestratxarra-kulturaherrikoisuntsitzaile-ñoños16…. »
– Bai !
– Goazen !
Lehendabizi, sorpresa! Kursaalen ez nintzen sekulan sartu, eta alimaleko gela da! Ene lekua gain gainean nuen, oholtzatik urrunena (merkeena, 7 euro). Lehen aldia zen horrelako musika zuzenean entzuterat etortzen nintzela.
Eszena gainean, ehunka aulki huts, birtuoso ipurdi mazelen zain. Eta etorri dira, birtuosoak; 4 Kontrabaxu, 6 biolontxelo, 8 altu, 20 biolin (9 bigarren, 10 lehen, eta solista bat), 12 aerofono (zehar flauta, oboe, tronboi, adar…) eta 2 perkusio jole (2 metroko bonbo batekin!). Orkestra zuzendaria sartu da, azkenean, argiak itzali, eta hasi dira musikariak!
Mekauendios! Ez ziren 30 segundo pasa, malkoak begietan nituela. Orkestrak, akustikoan jotzen du. Mikrofonorik ez. Nahiz eta haietarik 60 bat metrotarat izan, soinuaren inpaktua zuzenki biltzen nuen. Aitzinean zirenek, xehetasun guziak sumatu behar zituzten, belarria kilikatzen dauzkizuten pizzicato ttipienetatik, bonboaren ferekatzeak askatzen dituen infra baxuek tripa hartu arte.
Lehen zatiak 10 bat minutu iraun ditu. Txalo. Ondotik etorri da Ingrid Fliter pianista. Harekin beste 30 minutuz segitu dute. Pianista ikaragarria. Lehen zatian nahiko «largo» bazen giroa, hor nuentzien unibertsoan sartu gira. Jautsi, galdu, norabide berri bat, ahantzi, berriz etorri, igo, igo, igo, BUUM! Timbal-bonbo-gong koktelak nire aulkiaren zokorat bidaltzen ninduen. Aspaldian ez ninduen zerbaitek (norbaitek) horrela hartu! Harrigarria.
Pausa bat 10 minutukoa. Berriz etortzen dira musikariak baina zenbaki bikoitzean! Hasieran 55 baziren, orain 110 bat pasa!
Kasik ordu batez segitu daukute, eta berriz ere harrigarria. Ikuskizun bat, hainbat esku, beso, ber momentuan mugitzen, ber jestuen errepikatzen.
Hunkigarria, barne korapiloraino.
Orkestra zuzendariak, bere tropak musika sakonaren gerlarat bidaltzen zituen. Pirata kapitain bat, bere itsasontzi gainean, odei hertza suntsitu nahian; «urrikirik ez! eutsi! eman eman! Oraindik gehiago!». Apokalipsiaren zaldunen jeneralak, adar puska batekin zuzentzen zuen mundua.
Gau horretan beste mundu batetara ihes egin bainuen, 1.30’diz.
Kontzertuetan, musikaren mundurat iritsi nahi dugu gehienetan; gau horretan, mundua musika bilakatu zen.
Irakurle oroer, eta nire laguner gomendatzen dutan esperientzia bat! n
Guardian multinazionalak adierazi die langileen ordezkariei Laudioko lantegian duen labea itxiko duela eta, ondorioz, behargin guztiak kaleratuko dituela. Dirudienez, uztailean etengo du behin betiko jarduera.
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda izango da, eta lehenengo egunerako Bilbon deitu dute manifestazioa. Mobilizazioen atarian Eusko Jaurlaritzak gurasoei email masiboa bidali izanak haserre ditu sindikatuak:... [+]
Urtea amaitu baino lehen gehiengo politikoaren oniritzia lortu nahi du udalak
“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.
.JPG)
Lau ardatz nagusiren inguruan egin dute 2024ko azterketa: indarkeria matxista; lurraldea; gerra eta gatazka armatuak; eta eskuin muturra. Euskal Herrian “erresistentziak metatzea” funtsezkoa dela ondorioztatu du Talaia Feministak, eta analisiaren sozializazioaren... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
Hezkuntza Departamentuak Oibarko ikastetxe publikoan D eredua ezarriko dutela iragarri du. Hilabeteetako protesten ondoren, euskarazko lerroa ezartzea lortu dute.
Bere agintaldiaren azken egunetan Joe Biden AEBetako presidenteak egikaritu duen barkamen-zaparrada historikoak zeresanik eman behar luke, halakoen onuradun ezagunenetako batzuen kasuan behintzat ezinbestez egin beharko litzatekeen irakurketagatik. Edo ez al da justiziaren... [+]
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Aitor Arregik, Jon Garañok, Jose Mari Goenagak, Asier Achak eta Xabier Berzosak osatzen dute ekoiztetxe donostiarra, eta euren lana aitortu nahi izan du Donostiako Udalak.
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]