ETB ezkutuan bizi da
ARGIArako idatzi nuen azkenengoa, Zinemaldiaz izanik, erraza izan zen, nahiz eta gure zinemaren independentziaz idatzi. Oraingoan erraza zatekeen ere, DSS2016 hor egonik. Hor dago Katebegiak egitasmoa. Ez dakit oso ondo zein kate osatzen lagunduko duten katebegi horiek baina izenburua ponpoxoa da, propaganda ofizialean esango luketen bezala, oso bat dator egitasmoaren helburuekin. Kontua da, aurten Donostian egiten den oro kultura arloan oso bat datorrela helburu horiekin, eta ez baletor ere etorraraziko litzaioke. Baina ez dut hiriburuaz idatziko, ETBz baizik. Zeren gezurra badirudi ere, ETBk existitzen du oraindik ere.
Mezu bat jaso dut Beti eskamak kentzen telesail berria iragarriz. Polita, dotorea eta ongi egina. Espero dut, benetan, ongi joatea, nahiz eta horrek ez duen inolako bermerik suposatzen. Hor dugu adibide gisa Aitaren etxea. Ondo egina zegoen baina ez du jarraipenik izan. Eta horrela zenbat eta zenbat, azken urteetan. Gure kate publikoaren jarrera Espainiako generalisten berbera da: audientziek agintzen dute. Aldez aurretik eskatzen duten audientziarik ez bada ematen, hor konpon Marianton! Zeren arabera eskatzen dute ratinga ordea? Esango nuke gertuago dabilela desiotik errealitatetik baino. Errealitateak hutsetik gertuago kokatzen baikaitu desioek markatzen duten zenbakitik baino. Seguruenik, Beti eskamak kentzenek “huts” eginez gero, ETBn ari dira jada ordezkoa prestatzen. Eta horrela bat, eta beste bat, eta… Noiz arte?
EITBko Administrazio Kontseiluan zertaz eztabaidatzen dute, langileen kanporatzeaz gain?
Ez dut ETBk beharko lituzkeen helburuen gaineko eztabaida berriro aipatu nahi. Telebista publiko baten betebeharraren gaineko gaia gutxitan azaltzen da euskarazko hedabidetan. Uste dut ez zaiola inori interesatzen. Badirudi onartu dugula ETBrenak ez duela konponbiderik, gureganatuta daukagula ezer egin ezinarena, patu kontua balitz bezala, konponezina den zerbait. Nire buruari galdetzen diot, zer egiten ote duten EAJ ez diren beste alderdiek EITBko Administrazio Kontseiluan? Zer eztabaidatzen dute haien bileratan, langileen kanporatzeaz gain?
Urte mordoa pasa da telebista publikoaren egitura asmatu zenetik. Trantsizioa bera Espainian zalantzan jartzen denean ezin al dugu guk geure telebista eredua zalantzan jarri eta beste modu batean egin daitekeela pentsatu? Ni baiezkoan nago. Lau kate behar al ditugu, hainbeste langile, egoitza erraldoia? Zertan xahutzen da aurrekontua? Edukietan ala egitura mantentze hutsean? Galdera zerrenda luzea dateke. Baina berdin dio, ETB bertan goxo dago, ezkutuan balego bezala, tarteka polemika deserosorik sortuko ez balitz bezala. Barrura begiratzeko leihoak emititzearen inguruan sortu zena bezala. Orduan, Lehendakaria bera atera zen plazara ezinezko aitzakiak emanez. Erantzukizunen gaineko desproportzioa ikaragarria dela onartuko didazue behintzat.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]
Boterea eskuratzeko modu asko dago; denak ez dira politak. Bada boterea eta horrek berarekin dakarren erantzukizuna banatu nahi duenik, agintea bilatzen duenik. Beste batzuek errespetu lar diote eta pauso bakoitza hainbeste neurtuta ez dira gai erabakirik hartzeko. Boterea zer... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Otsailaren 3an hasi da gure umeak eta gaztetxoak eskoletan aurre-matrikulatzeko garaia, eta urtero bezala gogoratu nahi genizueke zergatik ez zaigun ideia ona iruditzen erlijioan matrikulatzea. Iaz artikula bukatzen genuen esanez “askori idazki hau ezaguna egingo zaizue,... [+]
Tranbia txiki Arratia Institutuko Guraso Elkartetik pantailen erabileraren inguruko hausnarketa bultzatu nahi dugu ikas komunitatean.
Azkenaldian kezka handia dago ume eta nerabeengan pantailek duten eragina dela eta. Ardura hori etxeko erabileratik eskola eta institutuetako... [+]
Bai, bai, holaxe. Ez naiz harago joatera menturatzen. Pleonasmo bat dela? Tautologia bat agian? Baliteke, baina egia-oste deitzen dioten garai honetan, oinarri-oinarrizko egitateak beharrezkoak dira. Begira, bestela, “Ez da ez!” lelo indartsuari. Bagenekien hori... [+]
Baneukan lagun bat Porcelana Irabian lan egin zuena itxi zuten arte, eta jatetxe edo taberna batera joaten ginen aldiro kikara eta plateraren ipurdia begiratzen zituena pieza non egina zegoen jakiteko. Gauza bera egiten dut nik gauza zaharren azoketara joaten naizenetan:... [+]
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Iragarki batek mugikorrean salto egiten dit aspaldion. Nire mundua koloreztatuko duela egiten dit promes. Aplikazio horrekin milioidunek bezala erosi ahal izango omen dut. Produktu merkeak, oso merkeak, baita doakoak ere. Momentu historiko soziologikoak eskatzen duen... [+]
Badira kontzeptuak bolada batzuetan edonon agertzen direnak, mantra ere bilakatzen direnak. Berez positibo eta beharrezko moduan agertzen zaizkigu, eztabaida gehiegirik gabe eta haiei buruz ia pentsatu gabe. Iruditzen zait mantra horietako bat nazioartekotzea dela, jatorria... [+]
