Aktualitatea patxadaz ere irakur daiteke
Zuri ere iritsi zaizu ale berezi bat etxera? Niri bai, eta ez dut oso ondo harrapatzen nondik doazen tiroak... Aktualitatearen Gakoak... 2016ko urtarrila... Hilabeteko gaien bilduma egiten hasi dira orain ARGIAn? A! Itxaron itxaron, barruan eskutitz bat du: “ARGIAko kide estimatua, bla bla bla, Larrun eta astekaria berritu genituen, blo, blo, blo, Euskal Kulturaren Urtekaria, bli, bli, bli...”. Aaa bale bale, urtekari berritua da! Bazen garaia, ARGIAko hauek zer pentsatzen zuten bada, Euskal Kulturaren Urtekaria horrek betiko iraungo ziela ala?
Baina onartu beharra daukat, eraberritzen hasita aldaketa handia egin dute. Lehen urtekaria irekitzen zuten bi kronika sakonek, eta orain horrelako zortzik hartzen dute protagonismoa liburuxkaren lehen herenean. Kulturaren, hezkuntzaren eta hizkuntzaren gaiak alde batera utzi gabe, ARGIAk egunero lantzen dituen beste zenbait gai eta balore gehitu nahi izan dizkiote urtekariari: ingurumena, feminismoa, herri mugimenduak, gizarte gaiak, ekonomia, politika, kirola... Eta atal honetan 2015ean zehar gertatu diren eta zer esana emango duten aktualitateko gaien gakoak azaldu nahi dizkigute, irakurketa patxadatsu eta sakon bat eskaini. Zortzi kronika orotara.
“Joerak” dira tarteko atala, liburuxkaren bigarren herenean. Aurreko zatiko kronikena baino modu laburragoan, baina lehen planora ekarri edo iritsiko diren gaiak mahai-gainean jartzen ahalegindu dira, datozen hilabeteetako tendentziak erakutsi nahirik-edo. Hamabi joera, Joseba Larratxeren ilustrazioekin.
Eta nola ez, “ARGIAren onenak”. Bilduma ederra jasotzen du urtekariak azken zatian. Egunero webean eta astero paperean argitaratzen den guztia irakurtzea zaila da, eta urteko erreportaje, artikulu eta elkarrizketa esanguratsuenak biltzearen hautua egin da. Denborari eusten diote, eta tartea dugunean besaulkian eseri eta berreskuratzekoak dira.
Papera klasiko bat baino gehiago dela sinesten dugunontzat apalategian izateko modukoa!
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
22 talde gehiago iragarri dituzte Lakuntzan uztailean izanen den HatortxuRockerako: Bad Sound, Dupla, Su Ta Gar, Chuleria Joder!, Brigade Loco, Leihotikan, Burutik, Tribade, Maskak, Les Testarudes, Non Servium, Añube, Dj Plan B, Gatibu, DJ Trapella, La Jodedera, Süne,... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Maite Nosti diputatuak kargua utzi du alderdiarekin izandako desadostasunengatik, eta horrek kide bakar batekin utzi du alderdi faxista, talde mistoan sartzera behartuz.
Bidarteko gasnategian bahiketa burutu duen gizona, militar ohia zen. Asteazken arratseko 7.30tan Erretegia izeneko gasnategian bertako kudeatzailea bahitu eta poliziaren kontra tiro egin duen gizonak 54 urte zituen.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Atapuercako aztarnategian hominido zahar baten aurpegi-hezur zatiak aurkitu dituzte. Homo affinis erectus bezala sailkatu dute giza-espezieen artean, eta gure arbasoek Afrikatik kanpora egindako lehen migrazioei buruzko teoriak irauli ditzake, adituen arabera.
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
Azkar! Azkar! Adi egon, ez daukat astirik eta! Ohartarazi behar zaitut, denborak agian ez baitit uzt… Pipipipi-pipipipi! Pipipipi-pipipipi!
Goiz jaiki, eguneratuta egoteko irratia piztu, dutxa hartu, ilea lehortu, orraztu, bizarra kendu edota makillatu, kafea egiten den... [+]
Europako Batzordeak 26.000 milioi euroren inportazioak zergapetuko ditu apirilaren 1etik aurrera, Donald Trumpek altzairuari eta aluminioari ezarritako muga-zergei erantzunez. Enbido-komertzialek jarraitzen badute, Euskal Herrian lehen sektoreak nozituko du gehien norgehiagoka... [+]