Txotxetik haragoko mundua
Onartu ezazu, irakurle, zuk ere dagoeneko hitz eginda izango duzu lagunen batekin sagardotegiko plana antolatzearena. Ezagutzen dugu elkar pixka bat dagoeneko... Eta urteroko galdera da, zein sagardotegitara joango gara? Noski, zalantzarik gabe “sagardoaren lurraldera”, Hernani-Astigarraga aldera egingo duzue bisita. Orain bi aste jasoko zenuen ARGIAk argitaratutako 2016ko sagardoaren gida, eta topatuko duzu Euskal Herriko sagardotegien informazioa.
Hernaniar bati hau esatea kosta egiten bazaio ere, ez gara sagardotegiak dauzkagun bakarrak. Daitort. Eta ARGIAk 1994tik urtero kaleratzen duen posterrarekin hori ere erakutsi nahi du. 2016ko sagardo garaia. Euskal Herrian barrena izena du zazpi lurraldeak kontuan hartuta osatutako aurtengo gidak. Sagardoari lotutako elementu guztiak bildu nahi izan dira mapan. Sagardotegiek hartzen dute protagonismoa, jakina; baina zuku honekin harremana duten beste zenbait elkarte edo museo ere ikusarazi nahi izan dira. Hor daude Zerain Dezagun Fundazioa (Zerain), Sagasti esperimentalak (Urkiola eta Villabona), Iturraran Parketxea (Aia) edo Albaola Itsas Kultur Faktoria (Pasaia San Pedro).
Sagardo-agenda
Urte osoan zehar Euskal Herrian antolatzen diren sagardoaren inguruko hainbat eta hainbat ekintza bildu dira sagardo-agendan. Txotx denboraldiaren irekiera egunez gain, sagardo egunak, azokak, lehiaketak, bertso bazkari/afariak eta askoz gehiago sailkatu dira hilabetea eta lekua zehaztuz. Gipuzkoako Sagardogile Elkartearekin elkarlanean egin da atal hau, eta informazio gehiago sagardotegiak.com webgunean topatu dezakezu. Sagardotegiak daukan eskaintza azpimarratu da: botilako edo txotxeko sagardoa, Labela, ekologikoa, bisita gidatuak, lotarako lekua... Informazio hau guztia eta Euskal Herri luze-zabala biltzen duen euskarri bakarra da, baina lehena izanik, posible da zenbait elementu ahaztu izana.
Horren sagardozale zaren irakurle jakintsu hori, seguru dagoeneko bota duzula faltan zerbait; idatzi sustapena@argia.eus helbidera eta eman horren berri!
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.
Lekeitioko Udalak jakinarazi du bandako zuzendariak tratu txarrak eman izana jaso dutela, hainbat testigantzaren bidez. Udalak azaldu du, Eusko Jaurlaritzaren aholkuak jarraituta, hainbat pauso eman dituztela, besteak beste, zuzendariarekin hitz egin, eta testigantzak jaso... [+]
Zibilentzat antolatutako txangoak igande honetatik aurrera egin ahal izango dira, printzipioz astebetez, eta egunero bi ateraldi antolatu dira. Sarrerak berehala agortu dira.
Orain arte uste izan dugu Erdi Aroan eta inprenta zabaldu baino lehen liburuak kopiatzeaz arduratu zirenak gizonezkoak zirela, zehazki, monasterioetako monjeak.
Baina Bergengo (Norvegia) unibertsitateko ikerlari talde batek ondorioztatu du emakumeak ere kopista... [+]
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.