Ia 54.000 lagun, Osakidetzan 1.000 lanpostu lortzeko lehian
Abenduaren 12 eta 13an milaka pertsona bildu ziren Barakaldoko BEC erakustazokan, Osakidetzaren 2014-15eko enplegu publiko eskaintzari (EPE) zegozkion probak egiteko. Azaroaren 12 eta 13an Donostian egindako azterketak kontuan hartuta, guztira 53.930 lagun lehiatu dira Osakidetzak eskaini dituen 1.014 lanpostuak lortzeko, enpresak berak emandako datuen arabera.
Osakidetzak, EPEaren berri emateko hedabideei igorritako prentsa-oharrean, azpimarratu zuen legearen arabera aurten eskain zezakeen lanpostu kopuru handiena eskaini duela. Nolabait, eta haiek aipatu gabe, sindikatuei emandako erantzuna izan zen, azken urte bietan Osakidetzan eman den lan gatazkaren muin-muinean baitago EPEa.
Eskainitako 1.014 postuetatik, erdia baino ez dira berriak. Beste erdia barne promoziokoak dira, hau da, dagoeneko Osakidetzako langile direnak bakarrik aurkeztu daitezke horiek eskuratzeko probetara. 508 lanpostuberriko eskaintza oso urrun dago sindikatuek –Osakidetzan ordezkaritza duten guztiek– eskatzen dutenetik. Haien ustez, gutxienez 3.000 lanpostu finko berri sortu behar dira, nola herritarrei kalitatezko zerbitzua emango zaiela hala beharginen lan baldintzak egokiak izango direla bermatzeko.
Gaur egun 26.000 inguru langile finko ditu enpresa publikoak, baina eguneroko jardunean askoz gehiago dabiltza. Behin-behinekotasun tasa %35 ingurukoa dela kalkulatu dute sindikatuek. ELAk argitaratutako Osakidetzan prekarietateari buruzko txostena azterlanaren arabera, gogoan izan behar da EAEko batez besteko behin-behinekotasuna %20koa dela, eta Europar Batasunekoa %14koa. Haien ustez, Osakidetzako portzentajea ez litzateke %7tik gorakoa izan behar.
Langile kopuruari buruzko eskakizunaz gain, sindikatu batzuek proposamena egin dute EPE eredua aldatzeko, LABeko Edurne Agirreren ahotik jakin dugunez. Besteak beste, gaur egun indarrean dagoenak behin-behineko langileei eragiten dien kalteagatik. “Deialdi guztietara aurkeztu behar dute, diru kopuru bat ordainduta gainera, lan poltsatik kanpo geratu nahi ez badute”.
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Joan den astean, Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Akordio batetik “urrun” daudela adierazi dute eta martxoko eta apirileko bost greba egunetarako deialdia egin diete irakasleei. Lehenengoa... [+]
Euskal Herri osoan zehar daude mehatxupean hamaika baso, zelai, mendi zein nekazal lur. Horien defentsan diharduten tokian tokiko plataforma asko bildu dira larunbatean Gasteizen, EH Bizirik-ek deituta, inguru naturalaren “suntsiketaren” eta makroproiektuen... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Kirola eta aldarrikapena uztartuz, maiatzaren 24an Bilbo gazteria independentistaz beteko da. Lasterketa honen bitartez, Euskal Herriaren askatasunaren aldeko balioei lekua egin nahi diote gazteek, independentziarako bidean daudela erakutsiz.
Gaur buruko minez iritsi naiz etxera. Ostiral iluntze hotz bat da; ez du euririk ari, baina haizeak bota ditu lurrera bi kontainer eta korapilatu dit ilea. 23:39 dio telefonoak. Lagunekin afaldu dut gure ostiraleroko tabernan. Barre asko-asko egin dugu, eta bihotza bete-beteta... [+]
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Trintxerpen hasi eta Donostian bukatu da hainbat kolektibok deitutako XXVIII. Arrazakeriaren Kontrako Martxa.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]