Abesbatza-musika delikatu eta konplikatua da. Taldeen arteko desberdintasunak batzuetan ez dira begi bistakoak. Ñabardurak dira diferentzia markatzen duten elementuak, eta hain detaile zorrotzetan zaila da adituak ados jartzea.
Tolosan disfrutatu genuen 47. Abesbatza Lehiaketatik atera dezakegu aipatutako ondorioa. Ondo ikusten nuen, eta justua, epaimahaiaren erabakia, baina nire erabakia beste bat izango zen, dudarik gabe. Mikrokosmos talde frantziarrak ia sari guztiak lortu zituen, merezimendu guztiekin. Talde sendoa da, primerako ahotsak ditu, batez ere gizonezkoak, eta Loïc Pierre zuzendari aparta da. Musikaltasun osoz eraman zuen bere taldea eta, ondorioz, interpretazio dotore eta doiak atera ziren. Baina ez nintzen talde horrekin maitemindu, ez zitzaidan gehiegi iritsi. Gauza bera gertatu zitzaidan ia abesbatza guztiekin, bat kenduta: Letoniako Emil Darzins Chamber Choir. Agian ez zen hain perfektua teknikoki, baina abesti baten interpretazioa nahikoa izan zen niretzat saritua izateko. Kanta horrengatik jaso zuten aipamen bat, euskal obra baten interpretazio onenaren saria. Ez zen nahikoa izan, nire ikuspuntutik. Xabier Sarasolaren Maiteagoak obrarekin egin zuten interpretazio zoragarrian ikusi egin genuen talde honen eta besteen arteko desberdintasuna. Folklore modalitatean derrigorrezko abestia zen, eta, beraz, talde guztiek abestu ondoren, aukera eman zigun kalitateak neurtzeko. Letoniarren bertsioa oso gainetik geratu zen. Pena, aipatutako saria jasotako bakarra izatea.
Sari dezente irabazi zuen, aldiz, Japoniako Suginami Gakuin Higu School and Kikuka Ensemble taldeak. Oso efektista baina, nire ikuspuntutik ez hain artista.
Talde zoragarria suertatu zen Kataluniako Cor amics de la unió abesbatza, haur abesbatzen modalitatean irabazlea, eta zorte gutxi izan zuen AEBetako CWU Chamber Choir taldeak. Abesbatza ona izan arren, ez zuen aipamenik jaso. Ulertu behar da hango estiloak eta eskolak ez dutela zerikusirik Europako tradizioarekin, baina haien freskotasuna eta dinamismoa preziatu beharko genituzke.
Lekua: Tolosako Leidor Antzokia.
Datak: urriaren 29, 30 eta 31, eta azaroaren 1a.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.
