Bi Bala taldeak arrakasta handia lortu du oso denbora gutxian, bi urte eskasean. Euskal Herrian zehar egin dituzten emanaldiek eta haien lehen diskoak (Wasabi, 2014) oihartzuna izan dute, eta handik eta hemendik deitzen diete saioak egiteko. Ez da harritzekoa, jendaurrean umorea, gatza eta piperra erakusten baitute eta ikus-entzuleek ederki pasatzen dute, taldekideek beraiek bezala. Emanaldi guztiak desberdinak izaten dira, eta gonbidatu bereziak ere izaten dituzte tokiaren arabera.
Taldekideak gipuzkoarrak dira: Aitzol Barandiaran eta Xabier Etxeberria Pitxu ataundarrak, Iñaki Gurrutxaga oriotarra eta Julen Goikoetxea alegiarra. Aitzol eta Iñaki bertsolariak dira, taldeko abeslariak, Iñakik gitarra ere jotzen du, Xabierrek baxua eta Julenek bateria. Bertsolariak hainbat plazatan arituak dira eta musikariak Manillares Iturriaga, Desordutan, Iratzar eta beste hainbat taldetan.
2013ko urtarrilaren 26an, Donostiako Kursaalen antolatu zen Bertso Egunean, Beatles taldearen doinuetan oinarrituta bertsotan aritu ziren Aitzol eta Iñaki. Saioa arrakastatsua izan zen, eta hainbat tokitatik deitu zieten saio hori bera egiteko. Aitzolek eta Iñakik garbi zuten hori bera ez zutela eskainiko, baina musika eta bertsoak uztartuko zituen zerbait egin nahi zuten. Iñaki musikaria izanik eta Aitzol bertso musikatuetan aritua, Xabierrekin eta Julenekin elkartu ziren eta Bi Bala egitasmoa sortu zuten. Lehen saioa 2013ko apirilean egin zuten, eta gelditu gabe dabiltza, bertso-rocka egiten, taldekideek beraiek beren estiloari deitzen dioten moduan.
Bertso musikatuak egiten dituzte. Hitzak dira egitasmoaren muina. Zuzenak, zorrotzak eta zirikatzaileak. Hitz jokoak erabiltzen dituzte, kritika eta autokritika egiten dute eta beren buruari ere barre egiten diote.
Gure eroyak lan berriko kantuetan ongi suma daiteke taldearen izaera. Bizitasunez eta alaitasunez aritzen dira, eta txantxa eta ironia ere erabiltzen dute. Horren ispilu da azaleko irudia eta diskoaren izenburua: Gure eroyak (heroiak, eroriak, eroak...). Kontraesanak kantua, esaterako, gure eguneroko bizimoduan ikus ditzakegun kontraesanen errepaso bortitza da, eta Ertzainak kantua ereserki sarkastiko bat da. Halaber, Nueva Vulcano talde kataluniarraren kantu baten bertsio dotorea ere egiten dute (Familia sakratua).
Diskoa arina da, oso gustura entzuten da, irribarrea ahoan, eta melodiak politak dira.
Karlos Osinaga arduratu da grabazioaz, nahasketez eta masterizazioaz, Bonbereneako estudioan. Aurtengo udan egin ditu zeregin horiek, bikain, ohi duenez.
Aurkezpena Bonberenean egingo dute, urriaren 17an, eta ondoren Azpeitiko gaztetxean (urriaren 23an), Elorrioko gaztetxean (azaroaren 6an), Donostiako Doka aretoan (azaroaren 20an), Anoetako gaztetxean (azaroaren 27an) eta Orioko Gure bazterrak jaialdian (azaroaren 28an) joko dute.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]