Arte et Marte
Jainkoaren zeruaz diharduelakoan, mundu biran ari garenon bizitzaz hitz egin du erlijio katolikoaren hierarkiak mendetan; eta gizakiaren pausoak eta norabideak arautzeko legeak idatzi, begi bat goikoari begira eta bestea parez parekoari.
Zeruaren aitzakian Elizak hartu dituen erabaki lurtarren baitan, usu identifikatu dira politika eta erlijioa, gerra eta erlijioa, boterea eta erlijioa, pertsonalismoak eta erlijioa… jazarpena, mehatxua, kondena, sua eta erlijioa… Erromak egin ohi duen modu bertsuan aritu dira Lurraren azalean erlijio ugari; hartara, katolikoena ez da salbuespen.
Frantzisko aita santua Vatikanoan aukeratu zutela igaro dira egunak, hilabeteak eta urteak. Egin du euri eta sargori, elur eta haize.
Barearen atzetik etorri da ekaitza. Eliza erromatarraren aurreko politikarekin hautsi du Frantziskok. Ez du jainkoaren zeruarekin hautsi, haren ordezkari lurtar zenbaitekin baizik, aurreko status quo delakoaren urloak iratzartu eta inertziak iraultzeko.
Artoski eta indartsu ari da aita santua, Arte et Marte. Itxura batean, organigrama katolikoa ari da arazten Jorge Mario Bergoglio Sívori; eta Kardinalen Kontseilua lagun, Kuria Erromatarra berriztatzen eta eguneratzen.
Eliztar jendearen eta publiko orotarikoaren aurrean azaltzeko, aingeruen sexua baino, Frantziskok gogoan hartu ditu ekologia, garapen jasangarria, abortua, sexua, Kuba eta Estatu Batuen arteko harreman zaila, Kolonbiako gerra zibila…
Urte biko jardunean, mundura hurbildu du aita santuak beste batzuek urrundutako ametsa. Eta mundua bilakatu zeru eta jainko. Hala diote horretaz dakitenek.
Etxe barrura begira, Frantziskok badu nondik ginarrak eta erratzak pasa. Pederastia-salaketak ez dira amaitzen. Misoginia ez da gainditzen. Erabakiguneen demokratizazioa ez da azaltzen. Vatikanoaren zirrikitu ekonomikoak ez dira argitzen...
Wojtyla poloniar eta Ratzinger alemaniarraren agintaldi eskuindarrek eragindako diaspora katolikoa biltzen saiatu beharko du oraingo aita santuak, gainerako sinestunak bazterrean utzi gabe. Errape askotako esneak jetzi beharko ditu kaiku berera aita santuak.
Fedea, indarra eta lagun asko ditu nahitaezko Bergogliok bidean aurrera egiteko, ez baitzaie autopsiarik egiten Erromako gotzainei mundu hau uzten dutenean bestera joateko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]
Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
Antzokiko argiak piztu dira. Diskretuki, pasabideetan nabil: emanaldi eskolarra hastear dago. Gazteak korrika doaz beraien eserlekuetara, bizi-bizi eta alai. Ateraldiak askapenaren zaporea du, baina askatasun sentsazio hori gaztelaniaz edo frantsesez mintzo da. Goiz honetan,... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]