Begietatik, biriketatik, sabeletik eta azaletik barneratzen dira lurron berezko xarmak bisitariaren bihotzetan. Zentzumenak gozarazteko bidea, halere, ez da berez egiten. Horretaz jabetuta, Zuiako Kuadrillako artisau, ostalari eta produktoreak ongizatera daraman bideko gidari bihurtu dira, tradizioari eta lurrari hertsiki loturiko eskaintzaren bidez. Eskualdean bira eginez ongizatera bidaiatzea da gaurko ihesbidea.
Gizabanakoon egunerokotasuna monotonoa izatetik frenetikoa izatera pasatu den honetan jendeak balazta zapaldu eta berezko erritmoetara bueltatzeko beharra dauka. Hala, ongizateari, ekologiari eta kirolari lotutako turismoaren gorakada ulertzekoa da. Zuiako Kuadrillako herri eta auzoetan pertzepzioak, denborak eta distantziak aldatu egiten dira, eta, bide batez, erritmoak ere bai. Sarri, ihesaldiaren arrakasta, poliki bezain astiro urratsak ematean datza.
Eskualdean hedatu den ostalaritza eskaintzaren oinarrian bertako produktuak eta bertakoen eskua dago. Jatetxe, sagardotegi, erretegi eta ostatu ugari daude inguruan, eta horien ezaugarri komuna bailaran hazitako barazkiak eta haragia dira.
Horren erakusle da Aramaioko Untzilla auzoko Uxarte Nekazal Turismoa. Bertako Gotzone Larrañagaren hitzetan “familia giroa eta ingurune zoragarria” dira bisitariak erakartzeko amua: “Gosaria eta afaria ematen dugu gure baratzeko elikagaiekin. Ogia, bizkotxoak eta mermelada egiten ditugu. Hemengo gaztagile bati hartzen diogu gazta eta Aramaioko eztia ere eskaintzen diegu Uxartera datozenei. Afaritarako baratzekoez gain bailarako produktuak dira nagusi. Baserri txiki bat ere badugu. Animaliak eta garaian garaiko produktuak hurbiltzen dizkiegu bezeroei eta ondoren jango dituzten jakiak batzen uzten diegu. Ogia lehengo erara egiten dugu etxeko legamiarekin eta egurrezko labean”.
Zuiako Kuadrilla hego-mendebalderantz zeharkatuta iritsiko gara Aramaiotik Lukianora, Gorbeiaren magalak inguratuz. Bertan dugu zain Casa Lafuente landetxeko Amada Lafuente. Lehengo baserriko bizitza gaurko herritarren eskura jarri nahi izan dute, ohikoagoa izaten ahal den turismo eskaintzari balio erantsia gehituz: “Familia ondareari bueltan emandako ordaina da Casa Lafuente. Ingurune berde-berde batean dago, basoz eta mendiz inguratuta. Entzun daitekeen soinurik zakarrena zintzarriren bat edo zaunkaren bat da, eta hori bilatzen du hona datorrenak, lasaitasuna, sosegua, baretasuna...”. Osasuna berreskuratzeko helburuarekin gero eta jende gehiago hurbiltzen dela aitortu digu Amadak.
Elosu, Aramaio, Bitoriano, Lukiano, Ondategi, Maurga eta Murgiako erlezainek ekoizten duten Gorbeiako Eztia ezagutzea merezi duen produktua da, onuraz betea. Murgiako Ezti Museoan jaso daiteke tradizioaren berri. Idiazabal Gaztak hamar bat ekoizle ditu eskualdean. Nafarrate, Inoso, Goiuri, Abornikano, Etxebarri-Ibiña eta San Pedroko baserrietara joan daiteke berau dastatzera, eta Aramaion, Barajuen eta Oletako gaztandegietara. Eskualdeko ogi, euskal pastel, turroi eta bestelakoak ere aipatzekoak dira, bereziki Aramaioko Euzki okindegia eta Murgiako Echebarria, Gopegiko Artzegi, Izarrako Urtaran edo Zarateko Blanca Antoñanarenak.
Garagardo naturala ere ekoizten da kuadrillan. Baias du izena eta Gorbeiako mendigunean sortzen den Baias errekako urarekin egiten da, Urkabustaizko mikrogaragardotegi batean. Aramaioko bailarako sagarrondoetako emariarekin, aldiz, sagardo eta sagar zuku naturala egiten dute beste produktore batzuek.
Begoña Fresnedak eta Jon Zuazok, Nafarrateko Gaztaren arduradunek, egurrezko eta lore lehorrezko eskulanak ere egiten dituzte; zinkezko platerak, pitxarrak, lorontziak... Kremak ere bai. Nuria Conesa (Nuna) Artisautza Sari Nazionala jasotakoa da. Domaikiako lantegitik mundu osora esportatzen ditu feltroarekin eta latxa ardien artilearekin eskuz egindako pieza berritzaile eta apartak. Loor Artisautza, Aramaioko bailaran inspiratzen da eta larrua eta makramea lantzen ditu.
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
Herritarren segurtasunik ezaren kezka gero eta handiagoa da gure auzo eta hirietako elkarrizketetan, batez ere kalean bizirik dirauten Magrebeko gazteek eragindako lapurreten eta gatazken inguruan. Badirudi egoera horiek areagotu egin direla azken hilabeteetan, eta alarma eta... [+]
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Galiziako Estatistika Institutuak galizieraren egoeraren inguruko inkestaren azken datuak ezagutarazi ditu. Ezagutza eta erabilerak, biek, egin dute atzera. Galera handiagoa da adin tarte gazteenetan. 5 eta 14 urte artekoen herenak adierazi du galiziera gutxi edo batere ez... [+]
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
“Araba ez dago salgai” eta “Makroproiekturik ez” lelopean egin dute deialdia. Urriaren 26an elkartuko dira 18:00etan “etekin pribatuak bermatzera” bideratuta dagoen eredu energetikoa eta “instituzioek jokatzen duten papera”... [+]
Aurtengoa hirugarren edizioa izango da, eta memoriaren gaia hartuko da ardatz, Kulturarteko Plaza Feministan.
Azaroaren 9an, emakumeak protagonista diren hip-hop jaialdia ospatuko dute, 17:30etatik aurrera. Jaialdiak urtez urte hip-hop eta rap estiloetan ibilbide ezaguna duten emakume artistak bildu izan ditu.
Gaur Donostian Orhipean, Gure Herria ezagutzen liburuaren edizio berria aurkeztu dute. Bertan Izan da egilea Xamar eta berarekin batera Antton Luku, Isabel Isazelaia eta Lander Majuelo.