Gasteizko Baratza aretoak urtea bete du. Arte eszenikoen garapen eta ikerketarako gunea izan nahi du Baratza aretoak, eta Euskal Herriko dantza eta antzerki taldeen lanaren erakusleiho. Berriz ere, ekimen pribatuko areto bat bertako taldeen mesederako jarri da lanean, erakundeen jardun ezaren aurrean. Bi anaia-arreba sortzaile ditugu kudeaketa lanetan: Garazi eta Unai Lopez de Armentia.
Nola baloratzen duzu Baratzaren lehen urtea izan den honetako jarduera?
Oso bizia izan da. Barrukoa, hau da, guk eraman behar izan duguna, eta kanpotik ikusten ez dena, zoratzekoa izan da, batez ere ikasten geundelako, eta lehen urtea izanik, dena eraiki behar zelako. Kanpora begirakoa apur bat motelago joan da, baina oso emankorra izan da hala ere. Alde handia dago hasi gineneko momentuaren eta urtea bete dugun momentu honen artean, eboluzioa igertzen da: gure jarduera gero eta hobeto ari gara komunikatzen, eta gero eta erantzun hobea daukagu.
Aretoa ireki eta urtebetera, hasierako helburuak bete dituzuela esango zenuke?
Horietako asko bete ditugula esango nuke, baina egia ere bada oraindik asko daudela betetzeke. Dena den, ez genuen espero urtebetean betetzerik. Bestalde, badaude bestelako helburu batzuk bidean sortu direnak, agian gehienak. Izan ere, oso era kamikazean sartu ginen honetan eta zer ekarriko zuen oso ondo jakin gabe.
Gasteizko arte eszenikoen inguruko mugimenduaren isla dela esango zenuke?
Ez, Gasteizen nahiko mugimendu polita dago. Bada honetan urte asko daramanik, baita oso kontu aberatsa sortzen ari direnak ere, gogor eta gogoz datorren jendea. Baina egia da Baratza bezalako espazioa oso ondo datorkiola arte eszenikoen panoramari Gasteizen. Horren mailan egotea zaila da eta espero dugu tokatzen zaigun rola ondo betetzea.
Garrantzitsua da esatea Baratzako kudeatzaileak sortzaileak ere bazaretela. Erakundeek eta bestelako aretoek betetzen ez duten hutsunea betetzen ari zarete?
Gasteizen eskaintza oparoa dago arte eszenikoei dagokionez, baina batez ere, antzerki klasikoan dago handiena. Azken urteetan programazio arriskutsuagoa ekartzen digute zenbait taldek –Factoría de Fuegos, Monstrenko Kolektiboa...–, eta gure aldetik, sostengu handiagoa ematen zaie, urte osoan programazio iraunkorra egitea nahi baitugu. Beraz, jadanik bazegoena ari gara osatzen.
Gero eta gehiago dira kultura kudeatzen duten sortzaileak. Sormenetik erakusketara dagoen prozesu osoa kontrolatzea garrantzitsua da? Aukerak zabaltzen dira?
Denbora ikasten eta ikertzen ematea ezinbestekoa da, bestela nola eboluzionatu? Material artistikoa sortzea, gehienetan, ez da iluminazioaren kontua, lan sakonaren eta denbora luzea eskaintzearen ondorio baizik, konpromezu handia eskatzen du. Erakusten dena erakutsi ahal den aukera bat baino ez da. Egindako lan horren egira eta zintzotasunera gehien hurbiltzen den materiala erakusten saiatzen gara, baina azkenean garrantzitsuena aurretik egindako lana da. Kudeaketan akatsak eta gauza interesgarriak aurkitzen dituzu eta horiek izango dira bidea irekiko dizutenak.
Ikastaroak, programazio iraunkorra, antzerki eta dantza taldeen topalekua, artisten egoitzak... Urte betean gauza asko egin dituzue.
Bai, urteak egun asko dauzka, eta atsedena gutxitan hartu dugu. Dena ez da ondo atera baina, denetatik ikasi dugu.
Gasteizko publikoak ezagutzen al du Baratza?
Gero eta publiko zabalagoa du eta horixe izan da nire pozik handienetako bat, urtean atzera begiratuz gero. Oinarri sozialak esanahi berezitua ematen dio, baina hasieratik begiak oinarri horri jarrita bagenituen ere, zentzu horretan oraindik garatu ez diren zenbait kontu dauzkagu zintzilik.
Gasteizko edota Euskal Herriko antzerki eta dantza taldeei baliagarri zaie Baratza aretoa euren lanak erakusteko orduan?
Baietz uste dugu, baina horretarako denbora behar dugula uste dut. Beren lana aurkeztu duten taldeak ez dira horrenbeste oraindik, baina bertatik pasatzen direnak gustura egoten direla dirudi. Gure aretoa txikia dela ere kontuan hartu beharrekoa da gainera, denek ez dutela tokirik.
Ekimen pribatua da zuena, nahiz eta irekia izan. Non dago erakunde publikoen laguntza? Ekonomikoa al da soilik?
Hasieran dirurik ez bagenuen ere, egia da paper kontuak arindu zizkigutela. Zenbait politikari gure alde egon dira hasieratik, eta gaur egun diru-laguntza handiak ditugu. Gasteizeko Udalarekin hitzarmentxo moduko bat dugu, urteko jarduerari begirada bat emanez gero, gutxirako ematen duena, baina laguntza horri esker zenbait gauza egin ahal izan dugu. Bestetik, Eusko Jaurlaritzako Sormen Lantegien programatik diru-laguntza mardulagoa etorri zaigu bigarrenez. Horrekin, Unaik [Lopez de Armentia] esaten duen bezala, Olentzarori gutuna idazteko ematen digu eta Baratzara ekartzen duguna maitasunez erabaki ahal dugu, urteko epe labur batean behitzat.
LAB sindikatuaren kontaketaren arabera, dagoeneko 36 dira aurten Euskal Herrian lan-istripuz hildako langileak.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Mehatxu larriak egitea egotzi diote, eta behin-behinean aske utzi dute urruntze agindua ezarrita.
Nahiz eta Nafarroako hainbat udalerrietako udaltzaingoek taserrak dituzten, ez dago armen araudian jasota. Azkoienen lau aldiz erabili dute, eta Iruñean aurtengo ekainean erabili zuten lehen aldiz.
Palestinarekin Elkartasuna plataformak deituta, bi hiriburuetako jaietan "Palestina presente" egoteko aldarria luzatu dute. Ostiralez Bilbon, eta larunbatez Donostian.
Testu hau goizeko ordu txikitan izaten diren hausnarketa batekin hasi da, Araba galduko herri batean zoruan jarrita, ortzimugan eguzkia ateratzen dela ikusirik. Zelai hori eta nabarren artean hegan egiten duten txoriei so eginez, mendietan dauden basoetan pentsamenduak galduta... [+]
ARGIAko erredakzioaren eskutik, sei ikus-entzunezko proposamen.
Amazonen hodeia da AWS, eta funtsezko faktorea izaten ari da Israelen operazio militarretan.
Mundu mailan erregistratutako urterik beroena izan zen, eta Europako bigarren beroena, ISGlobalek egindako azterlanaren arabera. Europa hegoaldeko estatuak dira heriotza-tasa handienak dituztenak. Parisko Akordioan zehaztutako helburuak ez dira betetzen ari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
"Gure bizitzak haienak baino garrantzitsuagoak dira", esan dio Israelgo armadako soldadu batek Israelgo komunikabide bati.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]