Bi beltz badiako kaian eserita
Black is Beltza nobela grafikoaren inguruan hainbat ekitaldi antolatu dituzte Bilbon, Alondegiko erakusketa zabaldu zenetik. Izan ere, Black is Beltza ez da nobela eta haren inguruko erakusketa soila, proiektu zabala baizik. Musikariak, idazleak, marrazkilariak eta abarrek esku hartu dute ekitaldiotan eta, bakoitzak bere ekarpena egin dio Fermin Muguruzak eta Harkaitz Canok idatzi eta Jorge Alderete argentinarrak marraztu duen nobelari. Garai jakin baten inguruan murgildu dira parte hartzaileak, XX. mendeko 60ko hamarkadaren aztarnetan gertatutakoan hain zuzen, eta orduko mugimendu politiko eta soziala, musika eta kultur iraultza, munduaren eraldaketaren alde eta arrazakeriaren kontra borrokan aritu zirenen gaineko kanta osatu dute, garai hartako soinu banda, Otis Redding-en Respect kanta ardatz.
Urtarrilean izango da oraindik erakusketaz eta ekitaldiez gozatzeko parada. Horietako bi ekarri ditugu orriotara: Harkaitz Canoren Fruitu Arraroak errezitaldia eta Ruper Ordorikak eta Fermin Muguruzak izango duten topaketa, Otis Redding Badiako Kaian eseri zen izenpean egingo dena.
Harkaitz Canoren errezitaldia, Fruitu arraroak, urtarrilaren 16an izango da. Uste denez, fruituak zuhaitzetik gertu erortzen dira baina ez da beti hala izaten arbola maldan behera dagoenean. Horrelakoetan litekeena da fruituak arbolatik urrun azaltzea. Harkaitz Canoren ustez, halaxe gertatzen da artearen munduan ere.
Aski ezaguna dugu idazleak duen musikarekiko zaletasuna, bere literaturan musikaren erreferentziak behin eta berriz agertu izan baitira. Black is Beltza nobela grafikoaren gidoia ere horren adibide dugu, komikian etengabekoak baitira garai hartako musikari, kanta eta jaialdi erraldoien erreferentziak. Fruitu Arraroak errezitaldian nobelan inspirazio iturri izan dituzten kantak, eta alderantziz, kantek inspiratu dituzten nobelak eta filmak izango dituzte mintzagai. Zinemak, musikak eta literaturak etengabe elikatu dute elkar, idazlearen ustez.
Bigarren hitzordua urtarrilaren 22an izango da: Ruper Ordorikaren eta Fermin Muguruzaren arteko topaketa musikatua. Otis Redding Badiako Kaian eseri zen izenpean, abeslari biek elkarrizketan jardungo dute. Bernardo Atxagak idatzi eta Ruper Ordorikak abesten duen Berandu dabiltza abesti ezaguna eta profetikoaren inguruan murgilduko dira solasaldi musikatuan, Otis Redding Badiako kaian eseri zeneko hartan, hain zuzen ere. Ordorikak musika beltzaren eragina, kantak egiteko duen eskarmentua, bertsioak egiteko plazera, eta dibertsioak zein intuzioak bideratutako jolas eta gutiziak izango ditu mintzagai.
Hitzordu biak Bilboko Alondegiko lehen solairuan izango dira, Jarduera Osagarrien Zentroan, erakusketa bera paratuta dagoen espazioan, hain zuzen. Sarrera doakoa da baina gonbidapenak aldez aurretik ere eska daitezke nahi izanez gero, Alondegiko Infopuntuan.
Fruitu Arraroak
Hizlaria: Harkaitz Cano.
Noiz: urtarrilaren 16a.
Non: Bilboko Alondegia.
Otis Redding Badiako Kaian eseri zen
Topaketa: Fermin Muguruza eta Ruper Ordorika
Noiz: urtarrilaren 22a.
Non: Bilboko Alondegia.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
EAEko Auzitegi Nagusiaren epaiak ez duela "zirrikiturik utzi" dio SOS Talaimendi plataformak, eta "oraindik merezi duten legezko zehapena jaso ez duten zenbait erabaki arbitrario eta ia delituzko" geratzen direla adierazi du. Besteak beste, Zarauzko Udalak... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
