Sanjuandegi auzoa biziberritzen
Festak antolatzetik harago joan behar zutela erabaki zuten Azpeitiko Sanjuandegi auzoko bizilagunek, duela sei urte. Gogoeta horren harira sortu zen XJ Auzolanean elkartea: auzoa biziberritu eta euskalduntzeko ekintza kulturalak burutzen dituzte.
Duela 40 bat urte sortu zen Azpeitiko auzorik handiena den Sanjuandegi. “Lehendik ez zegoen ezer hemen, baserri bat izan ezik. Sortu eta berehala, Extremaduratik jende asko etorri zen hona bizitzera”, dio Ainara Larrañagak, elkarteko kideak, “horren ondorioz, auzoaz dagoen irudia oso erdalduna izan da beti, nahiz gaur egun bigarren generazioko haur gehienak Azpeitiko euskal gizartean guztiz integratuta dauden”.
Duela sei urte, urtero legez festak antolatzeko elkartu zirenean, auzoaren bizitza kulturalari astindua emateko asmoa piztu zitzaien. Ordura arte, elizak uzten zien lokal batean biltzen zen jai batzordea, baina sanjuandegitarrek argi zuten horrelako proiektu bat gauzatzeko ezinbestekoa zutela bizilagun guztiena izango zen lokala lortzea. “Udalarekin zenbait tirabira izan ostean, auzotar batzuek lokal baten alokairua ordaindu zuten, eta hurrengo urteko festetan lortutako diruarekin itzuli zitzaien dena. Horren ondoren, Udalak onartu zuen lokalaren alokairua ordaintzeko diru-laguntza bat ematea”, dio Aitor Belokik, elkarteko kidea bera ere.
Orduan hasi ziren ekintzak antolatzen; horietako batzuk gaur egungo egutegian finko bihurtu dira, hala nola auzoko jubilatuekin egiten duten kantu-poteoa, Ume Eguna edota bigarren eskuko jostailuen azoka, aurten artisautza azoka ere bihurtuko dutena. “Finkoak ez diren ekintzak ere egiten ditugu, kultur arteko asteburua estremadurar eta euskaldunen artean adibidez, edota ibaia garbitzea herriko beste eragile batzuekin elkarlanean”, kontatu du Larrañagak.
Azpeitiko Elkar-ekin kolektiboarekin batuta, euskara bultzatzeko proiektu bat egin zuten XJ Auzolanean elkartekoek: Hesiak Gainditzen dokumentala proiektatu zuten, baita ostera egilearekin, Jon Maiarekin, hitzaldia antolatu ere. “Horrekin batera, auzoan mintza-lagun programa martxan jartzea erabaki genuen”, dio Belokik. “Auzoko lokalean ematen dira klaseak, erretiratutako irakasleen eskutik eta borondatez, eta estremadurar asko gerturatzea lortu dugu”.
Hurrengo erronka, gai sozialak lantzea
Apurka-apurka, XJ Auzolanean elkartekoek oihartzuna lortu dute herrian. “Festek inoiz baino indar handiagoa hartu dute eta Udalak berak ere auzoan egin beharreko aldaketa batzuen aurrean iritzia eskatu izan digu”, dio Belokik. Aurrerantzean, arlo kulturalaz gain, gizarte gaiak ere jorratu nahi dituzte.
Auzolanak proiektuari ekarri dion onura zein izan den galdetzean, harritu egin dira. “Auzolana ez da aukera bat izan. Gu auzotarrak gara, eta ez genuen hau antolatzeko auzolanean aritzea beste modurik ikusten. Auzoa biziberritu nahi baduzu, ezinbestekoa eta logikoa da auzotarren inplikazioa”.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]