Oria ibaia garbitzea, denon ardura
Oria ibaia aparrez betea zen garaia igaro da, baina horrek ez du esan nahi gaur egun erabat garbia denik. Urriaren 11n hura garbitzeko auzolanerako deia egin zuen Andoaingo Eguzkik. Azken urteetan gero eta herri gehiagotan sortu dira halako ekimenak. Izan ere, ibaia egoera onean mantentzea gizarte osoaren betebeharra da.
Gipuzkoako industriagune garrantzitsuenetako batzuk Oria ibaiaren magalean kokatuta daude. Besteak beste, horiek sortutako hondakinengatik Euskal Herriko kutsatuenen artean egon da urte askotan. Egoera nabari hobetu den arren, bizilagunek eta erakunde ekologistek salatu dute oraindik ere badela zer hobetu. Izan ere, Eguzki talde ekologistak dioenez Andoainen erabilitako uraren erdia araztu gabe Oriara egozten da. 2005ean Europar Batasunak zehaztu zuen zikindutako urek araztegitik igaro behar zutela, baina Eguzkiren arabera erantzukizun osoa ez da erakundeena. Herritarrek ere ibaia garbi mantentzen lagundu dezaten, auzolanerako deiak egiten dituzte urtero.
Aurten, urriaren 11n bildu dira Andoainen elkarlana aurrera eramateko. Ibaiaren eta uraren egoera hobetu behar dela aipatzeaz gain, erreka inguruko eremuak zaindu beharraren garrantzia azpimarratu dute. Leitzaranen aisialdirako egokitutako guneak, Otieta eta Olazar esaterako, behar bezala zaindu gabe daudela aipatu dute. Bereziki udara amaitzean, plastiko zaharrak eta alde batera utzitako hondakinak aurki daitezke. Babestutako biotopoa izanik, premiazkoa da egoki mantentzea.
Oria ibaiak Gipuzkoako arro hidrologikorik handiena du, 54 udalerriz osatua. Hala, Oria eta haren adarrak auzolanean garbitzeko saiakerak beste hainbat herritan ere egin izan dira. Besteak beste, Zizurkilen, Ordizian, Tolosan, eta Lasarte-Oria, Zubieta eta Usurbil zeharkatzen dituen eremuan antolatu dituzte garbiketa jardunaldiak azken urteetan. Halaber, ohiko ekintza da Euskal Herriko ibai gehienetan, batez ere gune industrial handiak igarotzen dituzten horietan.
Instituzioen txanda
Duela hamar urte konponduta behar zuen arazoak eginbeharren zerrendatik ezabatu gabe dirau. Andoaingo Eguzkik salatu du Eusko Jaurlaritzak ez duela 2004an adostutako diru-laguntza osoa eman. Udalak ere bere ardura duela nabarmendu dute. Diotenez, ur zikinak “Jaurlaritzak eta Aldundiak eraikitako hoditeri orokorrera lotzea bere esku dago”.
Adunako araztegia eraikitzearen ondorioz, Alegia eta Andoain artean dauden herri gehienetako ur zikinak araztea lortu da. Hortaz, esan daiteke pixkanaka hobekuntzak eman direla. Hala ere, asko dago egiteko oraindik ere. Zikindutako ura eta hondakinak ibaitik erabat desagerraraztea lan nekeza da, eta gizarte osoari dagokio. Garbiketa ekimenek asko laguntzen dute, batez ere ibaiaren ertzetako hondakinak jasotzeko. Baina ez da ahaztu behar zikinkeria asko lantegi eta etxeetatik etorri beharrean gure arduragabekeriaren ondorioz sortzen dugula. Horregatik, auzolan premiakoena ez kutsatzea da.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]