Gure hildakoak
Urte hasieratik 3.000 immigrantek galdu dute bizitza Mediterraneoa gurutzatu nahian, Migrazioen Nazioarteko Erakundearen txostenaren arabera. Adituek kalkulatzen dutenez, itsasotik berreskuratzen den hildako bakoitzeko beste bi omen dira inoiz aurkitzen ez direnak. Hau da, 3.000 hildako eta 6.000 desagertu. Txosten berak dio 2000. urtetik hona 22.000 lagun hil direla Europara iritsi nahian eta 1998tik beste 6.000 hildako egon direla Mexiko eta AEBen arteko mugan. Hildakoen jatorria: %30 Saharaz azpiko Afrikatik zetorren, %23 Ekialde Hurbiletik eta Afrika iparraldetik eta %25 Afrikako Adarrekoak ziren. Siria eta Eritrea izan ziren jatorriko herrialde nagusiak. Egunez egun Europara iristeko saiakera gehiago daude; joan den astean 200 immigrante afrikarrek Melillako hesia gurutzatu nahi izan zuten.
Milaka hildako eta desagertu horiek Europara iritsi nahi zuten, eurentzako “paradisu” gertukoena zelako bizirauteko, baita miseriatik ihes egiteko ere, eta gosetik, gaitzetatik, errepresio politikotik… Saiakera horretan euren hilobia zulatu zuten Mediterraneoaren hondoan. Gure hildakoak dira, erantzukizuna dugulako. Sistema kapitalistaren hildakoak dira, putre moduan lehengaiaz aprobetxatu eta lur haietako herritarrak ahazten dituelako; eta metropolira garraiatuz gero, gutxiengo baten zerbitzura jartzen ditu. Gure erakundeen hildakoak dira, “hirugarren” mundua alboratuta duten eragile politiko eta sozialena, eta kooperazio ekonomikorako eta garapenerako aurrekontua murrizten dutenena. Jendarte indibidualistaren hildakoak ere badira, berekoia, insolidarioa, kontsumo zalea; salbuespenak salbuespen, begiak ixten ditugu errealitate hori ez ikusteko.
Erakunde, gobernu eta eragile politiko nahiz sozialetan aldaketa erradikala behar da, baita jendartean ere, Mediterraneoa eta munduko beste zenbait toki ez daitezen bihurtu giza hilobi erraldoi.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.