Sokatira
Gutako bakoitzaren barruan editore bat dabil seguruenik, beraz, azken asteotako gertakarien harira, ariketatxo bat proposatu nahi dizuet. Abuztuaren 28tik 31ra Munduko Sokatira Txapelketa jokatu zen AEBetako Wisconsinen. Azken txapelketatan ez bezala Euskal Herriko selekzioak parte hartzeko aukera izan zuen Basque Country izenpean. Pauso historikoa, diote.
Zer aldatu den? Ba, TWIFek,17 bototik 13 aldeko zirela, onartu berri duela bera bezalako Nazioarteko Kirol Federazioak, erakunde pribatuak izanik, ez direla nazioarteko eskubide publikoaren arauetara mugatzen, eta ondorioz, naziorik gabeko estatuek berez badutela berme juridikorik ordezkaritza izateko, hainbat baldintza betez gero: ditxosozko Auzitegi Konstituzionalaren arabera txapelketa ez-ofizialetan bakarrik parte hartu ahal izatea eta estatu mailako federaziorik ez izatea, besteak beste.
Beraz, zirrikitutxoa zabaldu da gure hainbat selekziok –arrazoi horren pean– 50. naziorik gabeko estatua ordezka dezaten, logikotzat jo behar baita lehen pauso horren atzetik beste batzuk etorriko direla, haize berriok itxita egon den parte-hartzearen atea erabat zabal dezaten. Gainera, hain modan dauden “interpretazio juridikoak” agertuko balira, arazoa TASera aurkezteko biderik badago, Europako legediak dioena aztertu, eta hala behar izanez gero, erabaki okerrak zuzendu ahal izateko.
Esanguratsua ematen du, ezta? Atzera eginez irabazten den kirol bakarrean horrelako aurrerapausoak lortzea. Euskal tiratzaileek paparrean ekarri dituzten dominak ez zaizkit gehiegi axola, lortu dutena sari guztien gainetik dagoelako.
Eta hona hemen lehen aipatutako jokotxoa: zuk non kokatuko zenuke albiste hau komunikabideren batean albisteak garrantziaren arabera ordenan jartzeko ardura bazenu? Kiroletako blokean edo politikakoan? Edozeinetan izanda ere, hasiera xamarrean kokatuko zenuke albisteak garai berrian sartzen ari garela azaltzen duelako, edo munduko albiste triste guztiak amaitzen ari direla ematen duen azken bagoian kokatuko zenuke Parisko modaren azken berriekin batera? Hizki handiz jarriko zenuke, alboko komentarioa eta guzti, lehentasuna emanez, edo izkina batean lotsaturik bezala? Albiste garrantzitsuenetan bezala kazetariren bat propio bertara bidalita, edo besterik ezean, artxibora jota argazkiren batek bederen albistea itxuratu dezan?
Galdera askotxo eta erantzun bakarra: gure eskuetara, belarrietara eta begietara iristen zaizkigun komunikabide gehienen arduradunen buruetan nazio kontzientzia krisi gordinean dago.
Jo ezazue hemerotekara, artxibora edo egokien iruditzen zaizuen webgunera eta ikusiko duzue non gauden.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Mendebaldeko herrialdeetako demokrazia liberalak demokrazia minimalista baten itxura gero eta handiagoa du. Definizioaren muina litzateke hauteskunde bidezko gobernu aldaketak errespetatzen direla. Horren aldaera autoritarioari Levitsky eta Way politologoek autoritarismo... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Euskadi irratian baineraren ordez dutxa jartzeko iragarkiak etxeko komunean obrak ya hastera animatzen duen kuña hori. Obra erraza, inbestitze txikia eta aldaketa handia iragartzen da. Komunetako sanitarioen joerak aldatu dira eta ahoz aho zabaldu da zeinen eroso eta... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]