Ikasturte berria, langarra zeruertzean
Abiatu da hezkuntza sistemaren ontziteria. Zein bere belaontzian, hor doaz haurtzaindegiak eta eskolak, institutuak eta lanbide-heziketako zentroak, unibertsitateak... pribatuak nahiz publikoak. LOMCE legearen haize kontrak haize kontra, eta auzapezen debekuak debeku, hor doaz, joan, denak India urrunetara.
Belak, ederrak. Besteekin batera, bere kolore eta lumarik ederrenak bistan, Euskal Herriko Unibertsitateak berak ere ekin dio bidaiari. EHUko errektoreak esana du ezen Europako trena hartu duela unibertsitate publikoak, beharrezko egokitzapenak egin direla eta irakaskuntza kooperatiboa eta dinamikoa ezarri dela graduetan eta graduondoetan.
Esana du ezen Bolognak ez duela ekarri unibertsitatearen ez pribatizazioa ezta merkantilizazioa ere. Esana, euskara desagertuko zela ziotenek itsasoan egiten zutela negar, planak bete egin baitira eta berriak diseinatzen hasita baitago unibertsitate publikoa.
Errektoreak dio ekainean amaitu zituztela EHUko ikasleek Europako Unibertsitate Eremura egokitutako lehen graduak, lehen promozioak. Eta ez gaizki. EHUk, gainera, bikaintasun-campusaren domina jasoa du... Haize unibertsalaren bila, hor doa, joan, EHU, oihalak eta banderak irekita.
Zurajea, ahula. Unibertsitateko agintarien esanak esan, ontziaren zurajeak arduratzen nau, zeren bainago ez dela nahikoa haize-oihal horiei guztiei eusteko. Bada kontu bat arduratzen nauena aspaldi. Eta da ikasleriaren komunikazio gaitasun eskasa. Komunikazio gaitasun linguistikoaz ari naiz. Batez ere, euskarazkoaz.
Letrak ikasten diren fakultate bateko irakaslea naiz, Kazetaritzan. Bada, bertako ikasleriaren euskara-gaitasunak ez du gora egin azken urteotan; aitzitik, irristaka doa itsaslabarretan behera.
Euskara herdoildua, trokelean egina, distirarik gabea, gramatika-akatsez betea... Ahulezia nabarmena du ontziak oinarrizkoak diren trebetasun komunikatiboetan. Nora eta zeri begira ari gara gure gazteak hezten?
Barkua zuzentzeko arduraren bat badu irakasleriak, alabaina zorabioak jota dago hura: estresaren mende, curriculuma loditzeaz arduraturik, eta burokraziak azpiraturik.
Haizeaz gizenduta, oihalak eta banderak helduko dira, heldu, India urrunetara; baina, merkantzia laster da galdua.
– Kapitain, ura sartzen ari da krosko pitzatutik.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Mendebaldeko herrialdeetako demokrazia liberalak demokrazia minimalista baten itxura gero eta handiagoa du. Definizioaren muina litzateke hauteskunde bidezko gobernu aldaketak errespetatzen direla. Horren aldaera autoritarioari Levitsky eta Way politologoek autoritarismo... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Euskadi irratian baineraren ordez dutxa jartzeko iragarkiak etxeko komunean obrak ya hastera animatzen duen kuña hori. Obra erraza, inbestitze txikia eta aldaketa handia iragartzen da. Komunetako sanitarioen joerak aldatu dira eta ahoz aho zabaldu da zeinen eroso eta... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]