Belaunaldiak
Aurpegia pikorrez betetako mutil koxkorra da Elliot. Hamazazpi urte baino ez ditu. Irribarretsu egiten dio keinua kamerari, eta hatz erakuslea darama paparreko YES txapara. Harro dago: pasa den irailaren 18ko Eskoziako erreferendumean bozkatu zuen bere bizitzan lehenbizikoz. Bera, eta bere ingurukoak, Yes Generation gisara izan dira ezagunak, galdeketa aurretik, eta gerora. Agerikoa da zergatia: baiezkoaren alde bozkatu dute Ellioten adin bueltakoek, nabarmen. %71k, zehatzago.
Horrek baino, alderantzizkoak bete ditu egunkaritako orriak. Badakizue, irabazlea beti irabazle. Eta osatu dute profila mundu erdiko egunkariek: 65 urtetik gorako emakumeek eman ei diote garaipena unionismoari. Haiei eskerrak. Kontserbadoreak dira, eta libraren etorkizunarekin zalantzatiak. Ez dute dudarik egin kanpaina martxan jarri zenetik, ezezkoaren alde egingo zutela. Belaunaldi baterako konpondu dute auzia, diotenez. Hain dira anbiguoak belaunaldiak.
Independentistek, belaunaldiaren kontu beragatik, arnas apurra hartu dute. Porrotarekin erabat ez itotzeko bezain beste, bederen. Eta konfiantza jarri dute herrialdeko gaztetxoengan, hurrengoan bai, hurrengoan irabaziko dutela sinesteko. Soziologian jarri dute itxaropena, datorrenari begira. Hala sinetsi dute. Hala sinetsi dut nik ere.
Kontua da noiz arte izango den YES belaunaldia YES. Zenbat urte beharko dituen, alegia, Maybe izaten hasteko, eta azkenean, NO izaten bukatzeko. Gizakiok adinarekin tenteldu eta konformatzeko izan ohi dugun joera horregatik diot. Kotizazio urteekin batera kontserbadorismo dosiak banatzen dituen jendarte horregatik. Oraingo gazteak, bihar ez baitira gazte izango. Belaunaldien zain ematen dugu denbora, etorriko direnen zain, biharko egunerako ezin prestatuago daudenak. Bitartean, gure jendarte zaharkitu honetan, kontuak kontu, zaharrak dira beti gehiago, pikordunak baino. Zahar, emakume eta kontserbadore.
Agian horregatik galdetu du Jim Sillars SNPko kideak ea zer den belaunaldi bati itxarotearen kontu hori, independentzia oraintxe bertan agendan dagoenean. Agian horregatik utzi beharko genioke guk, hemen eta han, gazteria etorkizuna dela esateari, behingoz oraina dela esaten hasteko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]