Arkada Social Arrasateko (Gipuzkoa) street punk talde bat da. Gero eta ezagunagoa egiten ari da, eta gero eta zale gehiago ditu, egiten duena ederki egiten duelako. Taldeak eskarmentu handia du, 1997an sortu baitzen. Taldekideak, aurretik, Des-Kontrol, Jukebox, Cool Circus eta beste hainbat taldetan aritu ziren.
Hil orduko bizi lanaren aurretik, Arkada Social taldeak Sin sufrimiento no hay gloria (Brixton Records, 2003), Para siempre (autoekoizpena, 2006) eta Beste istorio bat (Mauka, 2012) CDak, eta Zuzenean DVDa (autoekoizpena, 2008) kaleratu ditu. Lan horiei erreparatuz gero taldeak bilakaera izan duela nabarmena da. Urteotan, entseguz entsegu eta emanaldiz emanaldi bere doinua ongi findu eta sendotu baitu.
Lan berrian soinu mardula, sendoa gauzatu dute. Gitarrak dira nagusi, eta gitarren doinuen gainean, Hodeiren ahots urratua eta gainerako taldekideek egiten dituzten koruak nabarmentzen dira. Kantuak indartsuak eta zuzenak dira, apaindura handirik gabe moldatuak, baina ongi landuak.
Arkada Socialek street punk edo Oi! doinuak jotzen ditu, baina punk melodikoaren, punk rock azkarraren, ohiko punk alemanaren, eta Cicatriz, Vomito eta 80ko hamarkadako Euskal Herriko beste zenbait punk talderen ukituak antzeman daitezke haien kantuetan. Joera horiek guztiak ederki uztartzen dituzte, eta Arrasateko Oi! tradizioaren zaleak direla nabarmena da.
Hitzetan, taldekideek beren haserrea transmititzen dute. Kritika eta salaketa egiten dute. Besteak beste, Espainiako Estatua eta armada, polizia, kartzelak, ustelkeria eta gorbatadun lapurrak dituzte hizpide. Gordin mintzo dira. Bizitzaz –“Bizitzak estropezuak jartzen dizkizu bezperan, gaur argia ikusteko leizearen amaieran, horregatik bizitzari gogor eutsi” (Hil orduko bizi)–; laguntasunaz –“Igarotako denborak persona orori dagokion lekuan jartzen dio eta horregatik agur eta besarkada bat baina laban batekin” (Agur lagun); borrokatzeaz –“Ez egon besteek egingo dutenaren zain, ez egon besteek bidea hasteko zain, heldu da eguna, gaur da unea kaleak oldartzeko” (Eguna argitu da), “Gaizki zaudenean lagun etorri nigana, nik emango dizut eta behar duzun indarra, piztu ezazu berriro bizitzaren garra, borrokatzea baita dagoen bide bakarra” (Etorri nigana)–; eta presoei eta iheslariei buruz – “Aurrera egin beharrean atzera goaz! Guk ere ez ditugu nahi argazkietan, etxean nahi ditugu” (Ez gaude denok)–.
Hodei Beitia (baxua eta ahotsa), Julio Hernandez (bateria eta ahotsak), Brian de Inda (gitarra) eta Mikel Arriaran (gitarra eta ahotsak) dira Arkada Social taldeko kideak. Lana osatzeko zereginetan, haiekin batera aritu dira Haritz Harreguy (soinu teknikaria), Juan Hidalgo (masterizazioa), Iagoba Domingo (diseinua), Javier Bergasa (azaleko ilustrazioa) eta Josu Txintxurreta (argazkia), eta denen artean oso lan txukuna egin dute. Grabazioa eta ekoizpena ederki eginak daude, eta CDaren aurkezpena ikusgarria da.
Street punk doinuak maite dituztenek atsegin handiz entzungo dute Arkada Social taldearen Hil orduko bizi diskoa.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]