Dantza maitalean nonahi
Maitaldia. Non: Miarritzeko Colisée, Gare du Midi eta Casino aretoetan. Noiz: irailaren 12tik 21era.
Dantza Hirian. Non: Donostia, Errenteria, Pasaia, Irun, Hondarribia, Hendaia, Azkaine, Miarritze, Bidarte, Donibane Lohizune, Baiona. Noiz: irailaren 11tik 28ra.
Iraila dantzaz blai dator, zenbait hitzordu garrantzitsu baitugu egunotan. Alde batetik Miarritzeko Maitaldia, Euskal Herrian egiten den handienetakoa, diziplina garaikidearen joera eta estiloen espektro zabala eskainiko ditu. 44 saio antolatuko dira, horietatik 18 aretotan, nazioarteko eta Euskal Herriko 26 dantza konpainiaren eskutik. Jendaurreko entsegu, erakusketa, dantzari buruzko film, mintzaldi eta ikastaroek osatuko dute aurtengo Maitaldiko programa oparoa. Eskaintza zabala, dudarik gabe, aurreko edizioan 18.000 ikusle erakarri eta aurtengoan beste horrenbeste lortu nahi baitute. “Ipar Euskal Herriko jende asko hurbiltzen da jaialdira, baina ez hainbeste Hegoaldekoa eta horiek erakarri nahi ditugu”, diosku Maitaldiko kanpo harremanetarako arduradun Eloixa Ospitalek. Konpainia handiak eta ezagunak, baina baita proposamen ausart eta berritzaileak ere, aurten ikusi ahal izango direnak.
Flandriako Royal Balletek zabalduko du jaialdia, Ulisesen Itzulera obrarekin. 43 danzari biltzen ditu ikuskariak. Irailaren 19an Norvegiako Dantza Garaikide Konpainia Nazionalak Not Here / Not Ever taularatuko du Gare du Midi aretoan.
Dantza konpainia txikien proposamenei ere tokia egingo die ekimenak. Vilcanota dantza konpainiak eta Les Blérots de Ravel bandak, esaterako, zuzeneko rock musika eta dantza garaikidea batuko dituzte L’Homme D´Habitude lanean. Bestetik, La Coma dantza taldeak Cartel izeneko lana erakutsiko du. Jean Guizerix Parisko Operako dantzari ohia eta Romain di Fazio dantzari klasiko gaztea batu dira lan honetan, dantzaren iraganaz eta etorkizunaz jarduteko. Oraina eta dantzaren biluztea dute ardatz.
Kalea, espazio eszeniko
Dantza Hirian jaialdi entzutetsuak Donostia eta Baiona arteko kale eta plazak jantziko ditu dantza garaikidez. Maitaldian ez bezala, saioak doan izango dira, eta toki zabaletan, ez aretoetan, irailaren 11tik 28ra.
Uztailean egindako egonaldien emaitza erakutsiko du Bartzelonako Jordi Vilaseca konpainiak, Azala izeneko lanarekin, Hendaiako Itsas pasealekuan, hilaren 13an. Jaialdiak antolatutako beste egonaldi bati esker, Lasala Donostiako dantza konpainiak Lauesku estreinatuko du irailaren 19an, San Telmo museoan.
Dantza Hirian jaialdiak hainbat ekimen bultzatuko ditu gainera. Besteak beste II Battle Break Dance saioa Irunen, jaialdiarekin batera egingo den BegiraDan argazki lehiaketa, tailerrak eta ikastaroak, edota dantzarien komunitatea batzea xede duen Nexos topaketa.
Madril, Bartzelona, Valentzia, Bordele edo Israelgo konpainiak izango dira gure artean, euskal dantza taldeekin batera. Aipagarria da Donostiako Dantzaz konpainiak Pasaian erakutsiko duen Chameleon, irailaren 21ean. Pasai Donibanetik San Pedrorako joan-etorriko txalupan egingo dute.
Jaialdiko azken asteburuan, hilaren 27an eta 28an, Baionan eta Errenterian egingo dira erakustaldiak. Larunbatean, 4 eta 12 urte bitarteko haurrentzako marrazki tailerra izango da Baionan, Les Halles azokan, 16:30ean. Honen ostean, merkatuan bertan, Sharon Fridman Bartzelonako konpainiak Noraino? lana erakutsiko du. Jarraian, Montaut Plazan Bordeleko Revolution taldeak Deep lana eszenaratuko du, eta gero, Lacarre Plazan Madrileko Daniel Doña konpainiak A pie de calle erakutsiko du.
Igandean, Errenterian, Hiriburuko Etorkizuna dantza taldeak Leihotik lana erakutsiko du 18:00etan. Honen ostean, Lali Ayguade eta Nicolas Ricchini dantzariek Incognito lana dantzatuko dute.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.