Neonazien MSR (Mugimendu Sozial Errepublikarra) alderdi politikoa, Liga Joven edota España 2.000 taldeak erlazionatu dituzte mugimendu honekin. Italiako Casa Pound proiektuan oinarritu dira eta eraikinak Zaragozan eta Madrilen okupatu dituzte. Castellón ere beste eraikin bat bere egin dute, baina hau hondatuegia dago. Bartzelonako Casal Tramuntana eta Valentziako Mª Luisa Navarro etxe sozialekin ere zerikusia dute, antza, azken okupazioek.
Ekainean MSR alderdiaren jarraitzaileek Zaragozako Las Fuentes auzoan dagoen eraikin bat okupatu zuten. Ohar bat igorri zuten esanez ez zutela zerikusirik MSR edo inolako alderdi edo talderekin, baina okupazioa hasi zutenetik MSRren siglak eta sinbologia duten panfletoak banatu dituzte.
Las Fuentes eta Zaragoza multi-arraziala. Bizikidetza duinaren alde, faxistak gure auzoetatik at lemapean ultraeskuindarren kontrako manifestazioa egin zen uztailaren erdialdean, eta okupatutako eraikinaren aurrean komunikatua irakurri zuten. “Etxe sozialeko” kideek pobreziak ez du aurpegirik idatzita zuen pankarta batekin erantzun zieten manifestatzaileei.
Zaragozaren ereduari jarraituz, Madrilgo Tetuan auzoan ere eraikin bat okupatu zuten abuztuan. Talde antifaxistek kontrako manifestazioa deitu zuten abuztuaren 30ean Arrazistak gure auzotik kanpo lemapean.
1.000 pertsona inguruk hartu zuten parte manifestazioan, eta, Zaragozan egin zuten bezala, okupatutako eraikinaren aurrean komunikatu bat irakurriz bukatu zuten. Ez zen istilurik egon, baina okupatzaile batzuk agur faxistarekin erantzun eta irainak bota zituzten eraikinaren teilatutik.
“Gobernuz Kanpoko Erakundeek eta instituzioek etorkinaren aldeko diskriminazio positiboa egiten dute, eta bitartean zakarrontzietan bila dabiltzan espainiarrak ikusten ditugu. Jende babesgabe asko dago, eta horiek laguntzea da gure helburua”. 24 urteko emakume madrildarra da mintzo dena, filosofian lizentziatua. Madrilgo zentroko bozeramailea elkarrizketatu dute La Ser irrati-katean. (...)
Ezinbestean, Greziako Urrezko Egunsentia dator gogora. Madrilgo bozeramailearen hitzetan, “gure herria maite dugula partekatzen dugu haiekin”. Alderdi ultraeskuindarra defendatzen ere entzun dugu irratian: “Onak ez dira hain onak ezta gaiztoak hain gaiztoak ere. Hedabide guztiak ados jartzen direnean erakunde bat difamatzeko, zerbait ari dira ezkutatzen”.
Migratzaile magrebtar eta aljeriarrak hirian gizarte-laguntzetatik bizi direla eta lan egiteari uko egiten diotela bota du uda honetan Javier Maroto Gasteizko alkateak. Halako adierazpen interesatuak gizartean zabalduz gero, ez gaitezen harritu dagoeneko Italian eta Espainian ugaritu diren “zentro sozial” eskuindarren modukoak iristen badira Euskal Herrira ere.
Udaletxe aurrean eginiko prentsaurreko jendetsuan, Donostian gertatzen ari diren jarrera arrazista, klasista eta faxistekin kezka adierazi dute hiriko eragile sozial eta politiko ugarik. Irakurketa bateratua eskaini dute 37 eragilek, besteren artean, Ernai, GKS, Bilgune... [+]
Elkarretaratzea egin dute Iruñean asteazkenean SOS Arrazakeria taldeak eta LAB sindikatuak salatzeko zapia buruan erabiltzen duten zenbait emakumeri "mehatxuak" eta "irainak" eragin dizkietela euren lanpostutan. "Ohikoa" den diskriminazioa... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Immigrazioaren Euskal Behatokiaren 2023ko Barometroaren emaitzek diote “2021ko balioetara itzuli dela” euskal gizartearen "tolerantzia-maila". Datuen arabera, horrek lotura zuzena du Ukrainako gerraren kronifikazioarekin eta asilo-eskarien egonkortzearekin.
Profil horretako pertsonen %80 polizia-kontroletan geldiarazia izan da, Frantziako Giza Eskubideen Defendatzaileak ziurtatu duenez. Praktika horrek "komunitate desberdinen eta Poliziaren arteko gatazkak areagotu ditzakeela", ohartarazi izan dute adituek, aspalditik.
2022an Ertzaintzak erregistraturiko gorroto delituen berri eman du Eusko Jaurlaritzak: 438 gertakari guztira, 2021ean baino %57 gehiago. Arrazakeria eta xenofobiari lotutako delituek jarraitzen dute izaten zabalduenak, eta atzetik dituzte sexu-joera edo sexu-identitateari... [+]
Algorithm Watch-ek egindako ikerketa batek azaldu duenez, biktimei egindako test batek biktimen eta erasotzailearen jatorriaz galdetzen du. "Atzerritartzat", ordea, Mendebaldekoak ez direnak baino ez ditu jotzen.
Europako Batasuneko diplomaziaburu den Josep Borrellek kutsu zibilizatzaileko adierazpen xenofobo eta eurozentrista larriak egin ditu Europako Akademia Diplomatikoaren inaugurazio ekitaldian.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.
Oussama, Amine, Ayoub, Es Said, Ahmed, Meriem, Youssef, Zakaria… dira En la calle dokumentaleko protagonistak, eta Poliziarekin eta dendariekin duten tratuaz, lan egiteko eta alokairua lortzeko dituzten zailtasunez eta kalean daramaten bizimodu gogorraz mintzo dira,... [+]