Euskal Herria eraiki
Badago aho betean esaten duenik “Herria” eraiki behar dugula Euskal Herrian, baina ezezagun zaizkio zein urrats eman diren horretarako. Badago erakunde bat, Udalbiltza, herria eraikitzeko norabide horretan efikaziaz ari dena. Hala, Pirinioetako eskualdeak aktibatu eta garatzeko hainbat erreminta eta egitasmo jarri ditu martxan, Euskal Pirinioetan lan eta bizi lelopean. Pirinioetako euskal eskualdeak, hegoaldeko zein iparraldekoak, baztertuta daude, lurralde arrazoiengatik eta egitura sozial desberdina dutelako.
Errealitate horretaz jakitun, Udalbiltzak 19 enpresa eta gizarte proiektu babestu ditu bere Garapen eta Kohesio Funtsarekin, Pirinioetako lurralde desoreka gainditzeko helburuz. Proiektu anitzak dira: barraskiloen etxaldeak, ardo ekologikoaren produkzioa edota euskarazko hedabide digitalen sorrera. 6.000 euro eman dizkio proiektu bakoitzari, eragile sozialekin elkarlana sustatu du, baita tokiko erakundeekin eta herritarrekin ere. Azken batean, askotan emigratzera derrigortuak izan diren eskualde horietako herritarrak euren herrian lan egin eta bizitzeko aukera izan dezaten da helburua.
testuinguru horretan, Udalbiltzaren zereginak onarpena merezi du, eta sentsibilitate politiko ezberdinez gaindi, parte-hartze handiagoz indartu behar da, Euskal Herriko herritarren mesederako litzateke-eta. 19 proiektu horiek eta beste batzuk aurrera ateratzeko finantzazioa behar dute. Alderdi politikoek, gobernuek, foru administrazioek eta udalek, baita finantza erakundeek ere, argi eta garbi babestu behar lituzkete halako egitasmoak, herritar orok bere herrian lana aurkitu dezan, emigratzera derrigortua izan gabe. Hori da Euskal Herria eraikitzea.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Carli Pup (Udine -friuleraz Udin-, 1973) Friuli [friuleraz, Friûl] herriaren ekintzaile kultural garrantzitsuenetako bat da. Bere hizkuntza gutxituaren idazle, hizkuntzalari eta bere herriaren historialari bihurtu da.
Gaur egun, Informazione Friulana kooperatibako... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Martxoaren 27an aurkeztu zuen ARGIAk Bizi Baratzea Orria, lurrari begiratzen dion urtarokako aldizkari berria. Martxoaren hasieran zabaldu zen kide egin eta formatu oso berezia duen orri handia etxean jasotzeko aukera. Erantzun oso beroa izan du. Kide hauen profila ezagutu nahi?
Jaitsiera AEBen muga zergen igoerari erantzun ez dieten eta negoziatzeko prest azaldu diren herrialdeei aplikatu diela argudiatu du Donald Trumpek, Europar Batasuna barne. Txina eta AEBen arteko lehia komertzialak gora egiten jarraitzen du.
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bekat’uros LGBTQIA+ euskal besta hirugarren urtekoz iraganen da Atharratzen. Apirilaren 12an egun osoko egitaraua antolatu du Prefosta elkarteak, usaiako karrika inguruarekin, kontzertuekin eta ikusgarriekin.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.