Uholdeen kalteei aurre egiteko, Frantziako Ministro Kontseiluak hondamendi natural izendapen lasterra ezarri du Ipar Euskal Herriko eta Biarnoko 102 herritan. Prozesura horrekin, diru-laguntzak lehenbailehen jasotzea espero da.
Uztailaren 3an euriteek egoera larrian utzi zituzten Nafarroa Beherea, Zuberoa, Lapurdi eta Nafarroako hainbat herri. Arhantsusin 84 urteko gizon bat hil zen urak eramanda. Ura etxe askotan sartu zen eta Baigorri eta Donibane Garazi artean zenbait lagun teilatuetatik atera behar izan zituzten. Telefono lineak, elektrizitatea eta errepide ugari ere moztu zituzten uholdeek.
Pirinio Atlantikoetako Kontseilu Orokorrak 10,2 milioi euroko laguntza onartu du Baionan egindako batzar berezian. Bost milioi izango dira bideak eta zubiak konpontzeko, lau milioi eraikin publikoentzat eta beste milioi bat elkartasun funtsera joango da. Horrez gain, 200.000 euro bideratu ditu bereziki kaltetuak izan diren pertsonak laguntzeko.
Laborarien zorigaitza
“Laborantza zorigaitza” izendapena lortzeko lanean ari da Pirinio Atlantikoetako Laborantza Ganbara, baina horrek denbora beharko du. Ipar Euskal Herriko Laborantza Ganbarak izendapen horretatik etor daitezkeen laguntza gehigarrien premia azpimarratu du. Zenbait aditu uholdeek harrapatutako etxaldeak bisitatzen izan dira eta telefono zenbaki bat ere jarri dute martxan.
Mixel Larralde Donaixtiko auzapezak egoera “biziki makur” zela azaldu zion uholdeen biharamunean Irulegiko Irratiari –herritarren testigantzak biltzen aritu zen hedabide bakarrenetakoa–. Larralderen esanetan etxalderen batek “ardi tropa guztia” ere galdu zuen herri horretan.
Nafarroako Gobernuak lau milioi eurotik gorako kalteak zenbatu ditu Baztaneko eta Luzaideko inguruetan. Azpiegitura-kalteak konpontzeko 1,6 milioi beharko dira eta Tokiko Inbertsio Planaren bidez egingo dira konponketa-lanak.
Madrilek legea aldatu zuenetik hondamendi-eremu izendatzea ez da posible, eta horren ordez, Espainiako Gobernuak diru-laguntzak banatzen ditu egun. Nafarroako Gobernuak aparteko diru-laguntzak jasotzeko eskaera egingo dio Espainiakori. Baztanen hamahiru zubi hondatu ditu errekak eta hornikuntza eta saneamendu sareak ere konpondu behar dira. Luzaiden, berriz, gutxienez 500.000 euro beharko dituzte euriteek puskatutako harri-lubetak eta bideak konpontzeko.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.
Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.
Departamentua alerta laranjan jarri du Pirinio Atlantikoetako prefeturak euriagatik uholdeak sor daitezkeelako. Alerta gutxienez gaueko 21:00ak arte dago ezarria.
Uretako babes indibidual eta kolektiborako material “egokia” eskatu dute, bestela gaueko esku-hartzeetan segurtasuna “arriskuan” baitago. ELA sindikatuak ohartarazi du 2017an ere zuzendaritzan salatu zutela egoera bera, baina ez dela irtenbiderik eman.
Eurite iraunkorrengatik alerta laranjan daude Gipuzkoa, Bizkaia eta Araban, baita Nafarroa iparraldean ere. Hainbat tokitan ibaiek gainezka egin dute Euskal Herri osoan eta luiziek trabak eragin dituzte garraiobideetan.
Bi herritar hil dira azken egunotako euriteek eragin uholdeen ondorioz. Bata Sunbillako emakume bat luizi batek harrapatuta, eta bestea, Elizondokoa, Lesakara bidean zela desagertu eta Bidasoa ibaian aurkitu zuten hilotz. Kalte materialak leku ugaritan eragin ditu, izan Lapurdin... [+]