Eskubaloi jokalariak, top eta kulerotxoak janztera behartuak
Espainiako Eskubaloi Federazioak kargu hartu die emakumezkoen hondartza-eskubaloiko hainbat talderi, bikiniarekin ez jokatzeagatik, nazioarteko araudiak zehazten duen moduan. Kirol Kontseilu Gorenak, aldiz, ebatzi du edozein janzkera erabili dezaketela, neurria sexistatzat jo duten jokalarien aldarrikapenei erantzunez.
Hilaren lehen asteburuan gertatu zen. Suances (Kantabria) hiriko hondartzan egindako txapelketan emakumezkoen 22 talde aritu ziren. Haietatik 21 ohartarazi zituen Espainiako Federazioak, top eta kulerotxoen partez tirantedun kamisetak eta galtza motzak jantzi zituztelako. Datorren urtean jarriko da indarrean Nazioarteko Federazioaren araudia, eta Espainiakoak azaldu zuen hura betearaztea besterik ez zuela helburu.
Hamaika eragile agertu da neurri horren aurka, EAEko Eskubaloi Federazioa eta Emakunde kasu. Erabaki sexista dela salatu dute, eta ez duela zerikusirik jokalekuetan gailendu behar diren kirol baloreekin. “Erabakiak ez du helburu jokalariak erosoago egotea edo eraginkorragoak izatea euren zereginean, baizik eta euren irudia erakargarri egitea, berdintasun eta ez diskriminazio printzipioen kontra joanez”, adierazi du Emakundek.
Espainiako Kirol Kontseilu Gorena iritzi berekoa da, eta haren esku-hartzeari esker jokalariek nahi duten janzkera aukeratu ahal izango dute Estatuko txapelketetan lehiatzeko. Handik kanpo jokatu behar dutenean, aldiz, nazioarteko araudiari men egin beharko diote: sabela bistan eraman beharko dute eta azpialdeko bikiniak, alderik zabalenean, ez ditu hamar zentimetro baino gehiago izango. Aitzitik, gizonezkoek galtza zabalak jantzi ditzakete, belaunetik behera gehienez hamar zentimetro luze izan daitezkeenak.
“Ganadua bezala tratatzen gaituzte”
Kantabriako txapelketan aritu den María Ballester jokalariaren hitzetan, egiteko gai direna erakutsi nahi dute joko-eremuan, eta hain justu hori ikustera doa jendea hondartzara. “Bost axola du ederrago jantzita goazen ala ez”, adierazi du. “Oparituta ere ez genituzke arropa horiek jantziko. Lege berria onartezina eta arkaikoa da”.
“Emakume gisa, ganadua bezala tratatzen gaituztela sentitzen dut”, gehitu du 1997az geroztik hondartza eskubaloian ari den Loreto Ochando i Muriel jokalariak. “Zergatik jokatu behar dut kulerotxoekin? Zergatik behartzen naute modu jakin batean janztera, nahi dudana eskubaloian aritzea bada?”. Espainiako Federazioko presidenteari dei egin dio emakumezko kirolariekin bil dadin araudi “misogino eta matxista” horri buruz hitz egiteko. “Badirudi ez dugula ez ahots ez botorik”.
“Janzkera hori bat dator ingurunearekin”
Espainiako Eskubaloi Federazioko presidente Francisco Blázquezek, top eta bikinien inposizioa babesteko, jokatzen den tokiarekin “bat datorren” janzkera dela adierazi du: “Ohikoena da jendea hondartzara top eta bainujantziarekin joatea. Ez da sexismo kontua, baizik eta erosotasunari, estetikari eta lekura egokitzeko gaitasunari dagokion zerbait”
Espainiako Sare Elektrikoak jakinarazi berri du ekaineko elektrizitate kontsumoa zein izan zen Espainiako Estatuan: 19.422 gigawat orduko. Hau da, 2004ko datuaren oso antzekoa: orduan 19.384 gigawat izan ziren.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
Ganz MaVag-ek adierazi du ez diola uko egiten etorkizunean tren-enpresa erosteko beste eskaintza bat egiteari. Talde hungariarraren ekintzari esker, Talgok eskaintza berriak entzun ditzake.
Igandean hasiko dira polio txertaketa egiteko su-etenak, goizeko 6:00etan hasi eta 15:00ak arte. Osasunaren Mundu Erakundeak (OME) eman du operazioaren berri eta bederatzi egunetan hiru esparrutan emango da: iparraldean, zentroan eta hegoaldean.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Karibeko bi irletan kolonialismoaren loriarako dauden monumentu, iker eta izendapenak ezbaian jartzen hasi dira herritarrak eta gobernua. Lehen pausua eman dute agintariek eta erabaki dute herrialdearen armarritik Cristobal Colonen lehen espedizioaren hiru karabelak kentzea.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Iruñeak bat egiten du irailaren 16tik 22ra egingo den Mugikortasunaren Europako Astearekin, mugikortasun iraunkorra eta espazio publiko partekatuari buruzko hausnarketa sustatzeko diseinatutako jardueraz betetako programa batekin. "Konbinatu eta mugitu"... [+]
Duela aste batzuk Suitzak lege federal aitzindaria onartu du (Europako legedietan aitzindaria), LMETA delakoa, Loi fédérale sur l’utilisation de moyens électroniques pour l’exécution des tâches des autorités frantsesez,... [+]
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
