Diru publikoaren ibilbidea ikertu behar da
Azken asteetan hainbat albiste izan ditugu diru publikoaren ustezko desbideratzeaz. Helburu publikoa zuten hainbat proiektutara joan behar luke diru horrek, baina xahutu egin da, dela kudeaketa txarragatik, dela bidegabe eskuratua izan delako. Autogintzaren burbuilaz ari gara, Epsilon eta Hiriko kasuez, baita AHTz ere. Hamarnaka milioi euro desagertu dira diru-kutxa publikoetatik. Autogintzan 60 milioi euro xahutu dituzte, eta AHTn are gehiago. Ustelkeria, funtsen bidegabeko eralgitzea eta prebarikazioa atzeman dira.
Autogintzan gertatu dena argitzeko, ikerketa parlamentarioaren unean gaude orain; AHTren eta Hirikoren kasuan gainera, Euskal Autonomia Erkidegoko Justizia Auzitegi Nagusian (EAEAN) salaketak jarrita ditu EH Bilduk eta tramitazioan daude. Kasu horiek ikerketa serioa eskatzen dute, sakona eta neutrala, kudeatzaile zibil eta politikoek egindako irregulartasunak argitzeko. EAJk eta jelkideen esku dagoen Eusko Jaurlaritzak ezin dute beste albo batera begiratu, auzi guztietan baitaude inplikatuta. Euren –eta kudeaketan aritu direnen– izen onagatik lehenak izan behar lukete ikerketa neutrala eskatzen eta erantzukizunak depuratzen. Milioika euro daude jokoan. Baina jelkideek eman dituzten urratsak ikusita ezin liteke esan interes handia dutenik. Bateren batek aurpegia izan du esateko, bera Jaurlaritzan zegoenean, ez zegokiola proiektu horien kudeaketa kontrolatzea.
Erantzukizuna EAEANko fiskaltzarena ere bada: gertaeren inguruko salaketa tramitatzen ari da, baina halako kasuak izaten direnean ofizioz jardun behar luke. Espero dugu diru publiko horren ibilbidea ikertuko duela, kosta ahala kosta.
Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete... [+]
Fiskalak 8 urteko kartzela zigorra eskatu du Joan Villadelprat Epsilon automobilgintza enpresako gestore izandakoarentzat. Iruzur ekonomikoa egin zuela hiru urte atzera izandako epaiketan erakutsi zen, eta orduan 900.000 euro ordaindu behar izan zituen.
Diru zuriketa eta iruzurra leporatzen die, Espainiako Gobernuak eta Eusko Jaurlaritzak emandako 17,7 milioi euro bidegabe xahutzeagatik.
Epsilon eta Hiriko auziengatik EAEko Legebiltzarrean egin den ikerketa batzordearen ondorioak onartu ditu Legebiltzarrak. 2007an karguan zeuden Jaurlaritzako eta hiru diputazioetako zenbait kideri erantzukizun politikoa eskatu zaie, automobilen industriari lotutako bi... [+]
Epsilon eta Hiriko auzien Ikerketa Batzordeak behin betiko ebazpena onartu du, EAJren kontrako bozkekin. Oposizioko alderdien arabera, erakundeen inplikazioak bi proiektuetan diru-kutxa publikoetan eragin du, eta, beraz, erabakiak hartu zituzten jeltzaleek “erantzukizun... [+]
Hirikok hondoa jo zuen, eta berarekin desagertu ziren administrazio publikoetatik jasotako 17 milioi euro, baina Iñigo Urkidi arduradunaren hitzetan proiektua arrakastatsua izan zen: “Ez dakit dirua hartu den hala ez, baina I+G proiektua egin da eta zoragarria... [+]
EAEko Legebiltzarreko Batzordeak uztailaren 10ean aurkeztuko ditu Epsilon eta Hiriko enpresen kudeaketa ekonomikoaren inguruko ikerketaren ondorioak, EAJ eta PSEren babesarekin. Azken bi legegintzaldien ikerketarik azkarrena izango da, eta UPyD alderdiak sozialista eta... [+]
Eusko Legebiltzarreko ikerketa batzordea EAJren kontrako botoekin osatu da; jeltzaleak izan ziren egitasmoen sustatzaile nagusiak. Eusko Jaurlaritzak eta Espainiako Gobernuak 60 milioi euro eman zituzten automobilgintzako bi proiektuentzat. Batak zein besteak kiebra jo dute.
Epsilon automobilgintza enpresak iruzur ekonomikoa egin duela frogatu ostean, EH Bildu, PSE, PP eta UPyD alderdiek kontuak argitzeko exijitu diete jeltzaleei.
Eusko Legebiltzarrak 63 kontu-ikuskaritza eskatu dizkio Herri Kontuen Euskal Epaitegiari 2013rako. Alderdi guztiek egin dituzte proposamenak, eta denak aho batez onartu dira. EH Bilduk 26 azterketa eskatu ditu, PSE-EEk 17, UPyDk 13, EAJk 6 eta PPk bakarra.
EAJ izan ezik Eusko Legebiltzarreko talde guztiek babestu zuten Epsilonen finantzazioarekin gertatutakoa ikertzeko PPk egindako proposamena.
Eusko Jaurlaritzak Sprilur sozietate publikoaren kapital handitzea onartu zuen atzo, guztira 939.700 eurokoa. Diru horrek kapitalizatuko du Sprilurren zuloa estaltzeko eskatutako mailegua. Zuloa nola sortu zen jakiteko berriz, 2004ra joan behar da: Epsilon Euskadi auto... [+]
