Jakintsu-itxura izateko bizarra luzatzen uztea dela irakur dezakegu Joseba Sarrionandiaren Propostas para a definiçao do exilio poeman. Eñaut Elorrieta gernikarra bizar luzearekin aurkeztu zaigu Deserriko Kantak bere bakarkako lan honetan. Itxura kontuetan murgildu beharrean ordea, barruko grinak arakatu eta emozioak gidatutako lur berrietan barneratu da. Mugei eta beldurrei aurre eginez, esperimentatzeko arriskuak bereganatu ditu, sorkuntza garaian gorputzak agindutako bultzadetan arreta jarriz. Hasiera batean abestiek izan zezaketen dimentsioaren aurrean askea izanda eta intuizioak gidatutako prozesuan sentitu duenaren arabera eraikitako diskoa egin du.
Naturaltasunez adierazten den ahotsak indarra hartzen du disko osoan. Ken Zazpi taldeko kide bezala ezagutzen dugun abeslariaren ahotsak tinbre atsegina du, xarmagarria oso. Afinazio zorrotza eta, batez ere, gustu handia. Abesteko duen berezko dohainarekin eta emozioak azaleratzeko duen gaitasunarekin erraz iristen da entzulearengana.
Elkar argitaletxearen eskutik kaleratu dituen hamar abestiak deserria dute gai nagusi. Abesti sakonak eta intimoak, xehetasunez beteak, zehaztasunez zainduak. Guztiek dute ukitu garaikidea eta Brit pop-arekiko parekotasuna soinu eta efektu erakargarrietan antzeman daiteke. Kantu bakoitzaren lanketan nabarmena da moldaketei eskainitako garrantzia. Gernikarrak Txus Aranburu (pianoa, teklatuak, akordeoia eta programazioak) eta Ruben Caballero (gitarra akustikoa, elektrikoa, mandolina, xilofonoa eta programazioak) bezalako musikari onen laguntza izan du abestiak borobiltzeko orduan. Grabaketan (eta zuzenekoan) euskal zirkuituan ezaguna den Igor Telletxea beratarra izan du baterian, baita jazz estiloan lerratu den Hasier Oleaga ere.
Deserriko kantak bakarkako lan horri ordu asko eskaini dizkio Elorrietak. Lan osoaren perspektibaren erantzukizuna bere gain izan du eta lan neketsu horren ostean abesti arinagoak egiteko beharra azaldu badu ere, gauza berriei ekiteko gogoz da.
Gernikarraren aparteko ahotsak eta abestien moldaketek presentzia handia dute diskoan. Dena den, bereziki azpimarratuko nukeena hitzak dira, musikalki poesiak duen esentziak erabat goratu baitu abesti bakoitza. Deserriari buruzko disko kontzeptual honetan begirune handiz aukeratutako testuek indar eta protagonismo izugarria dute. Gaiaz modu zabalean hitz egiten duten garai, leku eta kultura ugaritako autoreen testuak bildu ditu Elorrietak horretarako (Mario Benedetti, Joseba Sarrionandia, Gabriel Aresti….) Hautaketa horretan euskal idazleen gomendioak eta aholkuak jaso ditu. Uxue Alberdi, Eider Rodriguez, Unai Elorriaga eta Harkaitz Canoren laguntzaz jasotako testuak malgutasunez eraldatuak izan dira gero, entzulearen interesa piztera bideratuak, beti ere hizkien arima mantenduz.
Deserriaz hitz egiten digu Eñaut Elorrietak; deserri soziopolitikoaz eta deserri emozionalaz. Lan honetan murgildu zenean bere deserriaren ertzak deskubritu zituela dio, bide honetan bere deserri partikularra zeharkatu duela, alegia. Arnasberritzeko aukera ikusi du eta abestiak eginez eta abestiak kantatuz, bizitzen eta bizitzan lagunduko dionaren aldeko apustua egin du. Ez du bizarrik utzi behar, beraz, jakintsu-itxura izateko.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]