Herri ekimenak bultzatzeko crowdfunding plataforma
Euskal Herriko lehenengo crowdfunding plataforma da Karena. Batik bat Euskal Herrian eta euskaraz sortutako egitasmoei bultzada ekonomikoa ematea du helburu, herritarrek borondatez egindako finantzazioaren bidez. Horrez gain, Euskal Herrian dauden hamarnaka auzolan proiektuei ikusgarritasuna emango dien sare soziala ere bada.
Lagun artean hasi zuten Karena Crowdfunding proiektua orain dela sei bat hilabete. “Krisi egoera honetan, hamaika proiektu ideia hutsean gelditzen ari dira aurrera ateratzeko diru-laguntzarik ez dutelako, eta arazo horri irtenbidea aurkitu nahi genion”, dio Ekain Martinez Lizarduikoak, proiektuaren sortzaileetako batek.
Autofinantzaziorako plataforma
Bi atal ditu Karenaren webguneak. Crowdfunding (autofinantzazio) atalean, dirua behar duten proiektuek laguntza jaso ahal izango dute, erabiltzaileen borondatezko eskaintzaren bidez. “Euskara bultzatzen duten eta ikuspegi soziala duten proiektuei eman nahi diegu lehentasuna, baina bestelako proiektuek ere lekua eduki dezakete”, dio Unai Martinez Lizarduikoak.
Karenan egitasmoren bat argitaratu nahi duen orok erregistro formularioa bete behar du. Administrazioak formularioa jaso, aholkularitza lana egin eta onartu edo ez erabakiko du. Ostera, proiektu horrek epe bat du webgunean erabiltzaileei aurkeztuko dien ikus-entzunezko informazioa garatu dezan. Proiektua webgunean argitaratzean, 40 egun edukiko ditu behar duen finantzazioa jasotzeko. Haiek erabakiko dute zenbateko diru kopurua eskatu, eta herritarrak emandako kopuruaren arabera zein sari izango duen. “Sariek ez dute zertan materialak izan. Disko bat grabatzeko dirua eskatzen duen taldeak, adibidez, kontzertu baterako sarrera oparitu diezaioke dirua eman dionari”.
Txita jaiotzearekin sinbolizatu nahi izan dute proiektuen finantzazio fasea: proiektuak oraindik finantzazio eskasa duenean, arrautzaren karena (plazenta) txikia izango da. Diru eskaintza gehitu ahala handitzen joango da, 40 eguneko epean txita jaio arte. Proiektuak epe horretan eskatutako finantzazioa lortzen ez badu, arrautza frijitua agertuko da, eta dirua eskaini duten pertsonei euren kantitatea osorik itzuliko zaie.
Auzolan proiektuen berri
Karenaren sortze prozesua parte-hartzailea izan zedin saiatu ziren hasieratik. Hala, hainbat eragileri proposamenak eskatu zizkieten, ahalik eta tresna eraginkorrena sortu asmoz. Auzolan proiektuei bultzada emango zien tresna gehitzea proposatu zieten, eta ideia ona iruditu zitzaien. “Webgunean, crowdfunding plataformaz gain, Oilategia atala ere badago. Bertan mapa bat aurki daiteke, Euskal Herriko auzolan proiektu askoren geolokalizazioa eta informazioa ematen duena. Webgunearen bisitariek hemengo auzolan proiektuen berri izango dute eta auzolan ekimen guztiek euren artean harremana garatu ahalko dute, sinergiak ahalbidetuz”.
Hautagaiak azpi-atalean, izena eman duten auzolan proiektuetatik batek dirusaria irabaz dezan lagundu nahi dute Karenakoek. “Crowdfunding ataleko proiektuak finantzatu dituzten lagunek, mapan ageri den auzolan proiekturik gogokoena bozkatzeko aukera izango dute. Urte amaieran, bozka gehien jaso dituen auzolanak urtean proiektu guztiek lortutako finantzazioaren %1a jasoko du”.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Euskara hauspotzeko lan egiten duten eragileak ekonomikoki hornitzea da ekimenaren xedea. Ekarpena egiteko bertako produktuen saskiak erosteko aukera izango da urriaren 24tik azaroaren 14ra bitartean.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]