Zehazteko ordua heldu da
Erabakitzeko eskubidea ardatz dugu euskal politikan, nahi ez dutenen artean ere, kanpoko eta barruko ekimenek hor jarrita. Giza kateak asko lagundu du horretan. Argi ari da uzten erabakitzekoa kontzeptu aurre-politikoa dela, eta herritarren esku-hartzea politika-ondokoa.
Demokratizazioaz ari gara politikaz baino, soziologiaz abertzaletasunaz baino. Kontuan hartzekoa da hau politikaren ohiko moldeak han-hemenka pitzatzen ari direnean. Aurrekoa buruan, eskubidea gauzatzeak aldeko gehiengo soziala eskatzen du, euskal lurralde bakoitzean eta guztietan. Subjektuak gogoan, horren gauzatze mailakatuaz gogoeta eragiten du horrek, trantsizio kontzeptua bere potentzialtasun osoan hartuta. Errealitatetik abiatzen gara; eta instituzioetan, gurean gaur direnak direla, behar diren berrien esperoan izan gabe. Pragmatismo sanoa, eraldatzailea, helbide hartuta, inoiz ere ez helburu. Hori bai, bide-orri oso argia behar da, traza nagusietan behintzat.
Hitza eta Erabakia aldarrikatzen dugu. Zentralitatea oinarri den erabakitzeko eskubideak hartu badu ere, Hitzak kezkatzen nau. Erabakitzeko unea helduta, lehenengoa behintzat, eskubideek ez dutelako iraungitze-datarik, zer eskainiko, horixe kezka. Nork bere eskaintza, marko juridiko-politikoaz eta eredu sozio-ekonomikoaz, baina niri ardura didana ezkerreko subiranistena da. Voice-Exit ez da eskaintza, ez bada zehazten nora joateko irten. Mobilizazioan erakutsi indarraren parekoa behar dugu eskaintzan. Landua, erakargarria, sinesgarria, mailakatua... hitz handitan galtzen ez dena. Sozio-ekonomia funtsa duena. Atzekoz aurrera pentsatu, aurrekoz atzera eragiteko. Hor lan itzela dago egiteko, gizarteratzeko, burujabetzak dituen bi dimentsio espazialez: barnekoa, Euskal Herria; kanpokoa, Europa. Ezin da eskubidea ezagutua izan eta geroko utzi, kasuko, gaurko Europarekin izan nahi dugun harremana, hau eta burujabetzaren mugartea lotuta baitaude. Galdera askoren erantzunak zehazteko ordua dugu hau, burujabetza sinesgarri egite aldera. Badugu Kataluniatik zer ikasi: Trantsiziorako Batzordeak sortu dituzte, Estatua eraikitzeko oinarrizko egiturez, zaharren eta berrien aldi baterako uztarduraz, zehatz hausnartu eta gizarteratzeko, burujabetza ikusarazteko. Jauzi koalitatiboa, edukiz betea, hemen eman beharrekoa, ohiko politikatik haratago. Hezkuntza sistemari eskatzen zaizkion artean dago zientifikoa izatea, zehatza; bada hori, gure eskaintzan ere.
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]